ਨਾਥ ਕਿ ਅਨਾਥ?
ਜਿਸਨੇ ਨੇਹੁੰ ਨ ਲਾਯਾ ਪ੍ਰੀਤਮ
'ਨਾਥ' ਹੋਇਕੇ ਰਿਹਾ 'ਅਨਾਥ.
ਕਰਮ ਧਰਮ ਸੁਚ ਸੰਜਮ ਪੂਜਾ
ਸਭ ਕੁਛ ਉਸਦਾ ਗਿਆ ਅਕਾਥ।
ਘੋਟੇ ਕਈ ਪੁਸਤਕਾਂ ਲਾਏ.
ਖਿਚਦਾ ਰਿਹਾ ਵਾਲ ਦੀ ਖਾਲ,
'ਸੁੰਦਰ ਦੀ ਖਿਚ ਪਈ ਨ ਸੀਨੇ
ਵਾਹ ਨ ਪਿਆ ਅੰਝੂਆਂ ਸਾਥ।
ਪਿਰਮ ਰਸੋਂ ਇਕ ਬੂੰਦ ਨ ਚੱਖੀ,
ਯਾਦ ਸਿਫਤ ਦੀ ਲਗੀ ਨ ਤਾਰ,
ਉਮਗ ਉਮਗ ਹਿਯਤਾ ਨ ਉਛਲਿਆ
ਬੈਠ ਉਡੀਕ ਨ ਤਕਿਆ ਪਾਥ।
ਰਾਗ ਰੰਗ ਦਿਲ-ਕੁਸਿਆਂ ਵਾਲੀ
ਕਦੇ ਵਿਲਕਣੀ ਪਈ ਨ ਕੰਨ
ਸੁਆਦ ਬਿਰਹੁਂ ਦਾ ਪਿਆ ਨ ਪੱਲੇ,
ਰਿਹਾ ਝਾੜਦਾ ਖਾਲੀ ਹਾਥ।
ਖ਼ੁਸ਼ਕ ਰਹੇ ਲਬ, ਖ਼ੁਸ਼ਕ ਰਿਹਾ ਮਨ,
ਕਦੇ ਨ ਜੁੰਬਸ਼ ਖਾਧੀ ਰੂਹ,
ਕਿਸ ਗਲ ਦਾ ਉਹ ਸ੍ਵਾਮੀਂ ਹੋਯਾ.
ਕਿਸ ਗਲ ਦਾ ਉਹ ਹੋਯਾ ਨਾਥ? ੭
