ਸੌਦਾਗਰੀ ਬੀਸਾ

ਮਾਨੁਖ ਨੇ ਜਗਤ ਤੇ ਆਕੇ ਕਿਵੇਂ ਅੱਡ ਅੱਡ ਰੂਪਾਂ ਵਿਚ: ਮਾਇਆ ਵਿਚ ਗ੍ਰਸੇ, ਤਿਆਗ ਵਿਚ ਫਸੇ. ਯਾ ਵਾਹਿਗੁਰੂ ਪ੍ਰੇਮ ਵਿਚ ਰਸੇ ਰਹਿਕੇ ਆਪਣੇ ਮਾਨਵ ਜੀਵਨ ਦੀ ਚੰਗੀ ਮੰਦੀ ਸੁਦਾਗਰੀ ਕੀਤੀ ਇਸ ਕਵਿਤਾ ਦੇ ਵੀਹ ਥਾਈ ਛੰਦਾਂ ਵਿਚ ਹਰ ਇਕ ਵਿਚ ਇਕ ਇਕ ਤਸਵੀਰ ਅੰਕਤ ਕੀਤੀ ਹੋਈ ਹੈ ਜਿਨ੍ਹਾਂ ਵਿਚ ਇਤਿਹਾਸ ਵਿਚ ਹੋ ਬੀਤੀਆਂ ਅਨੇਕ ਹਸਤੀਆਂ ਦੇ ਜੀਵਨ ਵਾਕਯਾਤ ਵਲ ਇਸਾਰੇ ਹਨ; ਜੋ ਜਨਮ ਸਫਲਾਉਣ ਹਿਤ ਆਪਣੇ ਅੰਦਰ ਝਾਤੀ ਪਾਉਣ ਦੀ ਸੁਹਣੀ ਸਿਖ੍ਯਾ ਦਿੰਦੇ ਹਨ।

(ਸੰਪਾਦਕ)

1.

'ਮਾਇਆ' ਖ੍ਰੀਦੀ 'ਦਿਲ' ਦੇ ਬਦਲੇ

ਦਿਲ ਦੇ ਦੇ ਜਿਨ੍ਹੇ ਲੀਤੀ,

ਵਤਨ ਵੰਞਣ ਦੇ ਵੇਲੇ ਆਇਆਂ

ਮਾਇਆ ਠੱਗੀ ਕੀਤੀ;

ਪਸਰ ਪਈ ਇਹ ਵਤਨ ਆਪਣੇ

ਨਾਲ ਨਹੀਂ ਹੁਣ ਟੁਰਦੀ,

'ਬੇ-ਦਿਲ ਜਾਣਾ ਪਿਆ ਵਤਨ ਨੂੰ

ਭਠ ਸੁਦਾਗਰੀ ਕੀਤੀ।