ਪੌੜੀਆਂ ਉੱਤੇ ਸਤਿਸੰਗ ਲੱਗਾ;

ਇਕ ਹੱਥ ਗੁਟਕੇ, ਇਕ ਹੱਥ ਪੱਖੀਆਂ,

ਸੋਨ-ਸੁਨਹਿਰੀ ਜਿਲਦਾਂ,

ਲਾਲ ਨੀਲੀਆਂ ਡੰਨੀਆਂ,

ਸੁਤੀਆਂ ਸੁਤੀਆਂ ਅੱਖੀਆਂ,

ਕੁਝ ਪਿਸ਼ੌਰਨਾਂ ਜੁੜੀਆਂ-

ਉਮਰੋਂ ਅਧਖੜ, ਹੰਢੀਆਂ ਹੋਈਆਂ,

ਗੋਲ ਗੁਦਲੀਆਂ, ਮਧਰੀਆਂ ਬਾਹੀਂ,

ਭਰੇ ਪਲੇ ਅੱਧ-ਢਿਲਕੇ ਸੀਨੇ,

ਲਸ਼ ਲਸ਼ ਕਰਦੇ ਭਾਰੇ ਕੁੱਲ੍ਹੇ,

ਢੇਰ ਮਾਸ ਦੇ ।

ਗਹਿਰ-ਗੰਭੀਰ ਜਹੀਆਂ ਉਹ ਜੁੜੀਆਂ,

ਮਾਸ-ਬਹੁਲਤਾ-ਨਿਘ ਅਲਸਾਈਆਂ,

ਮਾਸ-ਸੁਗੰਧੀ ਮਤੀਆਂ,

ਹੌਲੀ ਹੌਲੀ ਮੁੰਡੀਆਂ ਮੋੜਨ

ਸਤਸੰਗ ਦੇ ਪਰਭਾਵ ਜਿਹੇ ਵਿਚ

ਰੰਗ ਅਨੋਖੇ ਰੱਤੀਆਂ;

ਸਹਿਜੇ ਸਹਿਜੇ, ਧੀਰੇ ਧੀਰੇ,