'ਸੀ ਲਗਦਾ'
ਹਾਇ ਨੀ ਮਾਂ ਮੈਨੂੰ ਸੀ ਲਗਦਾ।
ਹਾਇ ਨੀ ਮਾਂ ਮੈਨੂੰ ਸੀ ਲਗਦਾ।
ਕਿਉਂ ਨੀ ਧੀਏ ਤੈਨੂੰ ਸੀ ਲਗਦਾ
ਕਿਉਂ ਨੀ ਧੀਏ ਤੈਨੂੰ ਸੀ ਲਗਦਾ ?
ਹਾਇ ਨੀ ਮਾਂ ਮੇਰਾ ਸ਼ਹੁ ਪਰਦੇਸੀ,
ਕਲੀ ਸੁਤੀ ਨੂੰ ਸੀ ਲਗਦਾ।
ਤਾਣ ਨੀ ਧੀਏ ਦੋ ਜੁਲੀਆਂ,
ਦੋ ਜੁਲੀਆਂ ਤੋਂ ਸੀ ਭਜਦਾ।
ਹਾਇ ਨੀ ਮਾਂ ਮੈਂ ਤਿੰਨ ਤਾਣੀਆਂ,
ਅਜੇ ਬੀ ਮੈਨੂੰ ਸੀ ਲਗਦਾ।
ਆ ਨੀ ਧੀਏ ਮੈਂ ਕੋਲੇ ਮੈਂ ਜਾ,
ਮਾਉ ਨਾਲ ਲਗਿਆ ਸੀ ਨਠਦਾ।
ਤੈਂ ਗਲ ਲਗ ਕੇ ਮੈਂ ਸੁਤੀਆਂ,
ਅਜੇ ਬੀ ਮੈਨੂੰ ਸੀ ਲਗਦਾ।
ਉਠ ਨੀ ਧੀਏ ਉਠ ਡਾਹ ਬਹੁ ਚਰਖਾ
ਜੁਸਾ ਹਿਲਯਾਂ ਸੀ ਨਹੀਂ ਲਗਦਾ।
ਭੱਠ ਨੀ ਘੱਤਾਂ ਮੋਏ ਚਰਖੇ ਨੂੰ
ਹੱਥ ਨੀ ਠਰਨ ਸੀ ਬਹੂੰ ਲਗਦਾ।
ਲੈ ਨੀ ਧੀਏ ਤੈਨੂੰ ਦਿਆਂ ਅੰਗੀਠੀ,
ਅੱਗ ਸੇਕਯਾਂ ਸੀ ਉਠ ਨਠਦਾ
