ਡਾਕਟਰ ਪੱਦ

ਦਾਦਾ ਪਿਉ ਸਨ ਵੈਦ ਡਾਕਟੱਰ

ਸ਼ਫਾ ਜਿਨਾਂ ਦੇ ਚੁੰਮਦੀ ਪੈਰ

ਪਾਣੀਹਾਰ ਓਹ ਵਿਦਯਾ ਸੰਦੇ

ਮਨਿ ਬੁਧਿ ਵਸੇ ਜਿਨ੍ਹਾਂ ਦੇ ਖ਼ੈਰ

ਅਸੀ ਅਨਾੜੀ ਰਹੇ ਉਮਰਾ ਭਰ

ਨਾ ਪੰਡਿਤ ਨਾ ਬਣੇ ਹਕੀਮ

ਡਾਕਟਰ ਦਾ ਜੇ ਹੁਣ ਦੁਮਛੱਲਾ

ਆਣ ਲੱਗੇ ਤਾਂ ਲਗਸੀ ਗ਼ੈਰ ।

 

ਵਿਸ਼ੇਸ਼ਨ

ਸੰਗ ਰਹੀ ਸੰਗਯਾ ਵਿਦਂਤਾਦੀਆਂ,

ਆਣ ਵਿਸ਼ੇਸ਼ਨ ਮਗਰ ਪਿਆ

ਕਿਸ ਦੇ ਨਾਲ ਲਗਾਈਏ ਤੈਨੂੰ,

ਮੂਲ ਨਹੀਂ ਤਾਂ ਵਯਾਜ ਕੇਹਾ?

ਵਯਾਜ ਮਿਲਣ ਤੇ ਮਿਲਣ ਵਧਾਈਆਂ,

ਕਉਣ ਕਰੇ ਸ਼ੁਕਰਾਨੇ ਹੁਣ,

ਵਯਾਜ ਕਰੇ ਕਿ ਮੂਲ ਕਰੇ,

ਜੋ ਸੰਗ ਸੰਗਦਾ ਸਦਾ ਰਿਹਾ ?

(ਡਾਕਟਰ ਆਫ਼ ਓਰੀਐਂਟਲ ਲਰਨਿੰਗ ਦੀ ਉਪਾਧੀ ਮਿਲਣ ਤੇ ਲਿਖੀ ਗਈ ।)