ਚਾਨਣ ਦਾ ਸੁਰਮਾ

ਤੇਰੇ ਵਾਂਗੂ ਕੱਲਮ-ਕੱਲਾ ਥੋੜ੍ਹੀ ਬੈਠਾ ਸੀ

ਉਹ ਤਾਂ ਕੁੱਲ ਲੋਕਾਂ ਦਾ ਹਿਸਾਬ ਜੋੜੀ ਬੈਠਾ ਸੀ

ਹਾਲੇ ਉਹਨੇਂ ਕਰਨੇ ਬਥੇਰੇ ਕੰਮ ਹੋਣਗੇ

ਤੇਰੇ ਨਾਲੋਂ ਕਈਆਂ ਦੇ ਵਡੇਰੇ ਕੰਮ ਹੋਣਗੇ

 

ਵਾਰੀਂ ਹੀ ਨਹੀਂ ਆਈ ਉਂਝ ਨਾਤਾ ਥੋੜ੍ਹੀ ਮੁੱਕਿਐ

ਦਿਲ ਤੇਰਾ ਕਿਹੜਾ ਉਹਦਾ ਨਾਮ ਲੈਣੋਂ ਰੁੱਕਿਐ

ਨਿੱਕੀ-ਨਿੱਕੀ ਗੱਲ ਉੱਤੇ ਹੌਂਸਲਾ ਨਹੀਂ ਢਾਈਦਾ

ਸੱਜਣਾਂ ਦੀ ਗਲੀ ਵਿਚ ਵਾਰ-ਵਾਰ ਜਾਈਦਾ

 

ਦਿਲ ਥੋੜ੍ਹਾ ਕਰੀਦਾ ਨਹੀਂ ਦਿਲ ਵਾਲੀ ਸੁਣਕੇ

ਪੀਂਦਾ ਫਿਰੇਂ ਐਂਵੈਂ ਹੁਣ ਪਾਣੀ ਪੁਣ-ਪੁਣ ਕੇ

ਗੱਲ ਸੁਣ ਝੱਲਿਆ ਵੇ ਦਿਲਾ ਮੇਰੇ ਹਾਣੀਆਂ

ਹਾਲੇ ਤੱਕ ਉਹਦੀਆਂ ਤੂੰ ਰਮਜ਼ਾਂ ਨਾ ਜਾਣੀਆਂ

 

ਹੋਇਆ ਕੀ ਅੱਜ ਵੀ ਨਾ ਰੱਬ ਤੇਰਾ ਮੰਨਿਆ

ਖ਼ੈਰ ਹੀ ਨਹੀਂ ਪਾਈ ਉਹਨੇ ਕਾਸਾ ਥੋੜ੍ਹੀ ਭੰਨਿਆ