ਤੇਰੇ ਖਿਆਲ ਦੀ ਚੜ੍ਹ ਗਈ ਪੁੱਠ ਵੇ
ਤੇਰੀ ਖਿੱਚ ਦਾ ਵੱਜਿਆ ਬਾਣ
ਅਸਾਂ ਛੋਹਿਆ ਤੈਨੂੰ ਚਾਨਣਾ
ਸਾਨੂੰ ਏਸੇ ਗੱਲ ਦਾ ਮਾਣ
ਇੱਕ ਸੁਪਨ ਤੇਰੇ ਦਾ ਜਾਦੂੜਾ
ਵੇ ਦਿਲ ਖਿੜਿਆ ਰਹੇ ਉਮਾਹ
ਸਾਨੂੰ ਵਾਜਾਂ ਮਾਰਨ ਤਾਰੜੇ
ਸਾਨੂੰ ਫੜ੍ਹ ਫੜ੍ਹ ਬਾਹਵੇ ਘਾਹ
ਅਸੀਂ ਹਾਰੇ ਸਬਰ ਸਬੂਰੀਆਂ
ਸਾਡਾ ਚੱਲਦਾ ਨਹੀਂ ਕੋਈ ਦਾਅ
ਸਾਨੂੰ ਦੀਦ ਤੇਰੀ ਦਾ ਵਹਿਣ ਵੇ
ਲਵੇ ਕੱਚਿਆਂ ਸੰਗ ਵਹਾਅ
ਹੁਣ ਅੰਬਰ ਨੀਵੇਂ ਹੋ ਗਏ
ਹੁਣ ਉੱਚੀ ਹੋਈ ਉਡਾਣ
ਅਸਾਂ ਛੋਹਿਆ ਤੈਨੂੰ ਚਾਨਣਾ
ਸਾਨੂੰ ਏਸੇ ਗੱਲ ਦਾ ਮਾਣ
ਅਸੀਂ ਜਿਹੜਾ ਰੰਗ ਵੀ ਓੜੀਏ
ਤੇਰੇ ਰੰਗ ਦੀ ਮਾਰੇ ਭਾਹ
ਪਹਿਲਾਂ ਆਉਂਦਾ ਤੇਰਾ ਨਾਮ ਵੇ
ਹੁਣ ਬਾਅਦ 'ਚ ਆਵੇ ਸਾਹ
ਤੂੰ ਜਿਥੋਂ ਲੰਘਿਐਂ ਦਿਲਬਰਾ
ਮੈਨੂੰ ਆਪਣੇ ਜਾਪਣ ਰਾਹ
