ਆਉਂਦੇ ਅਫਗਾਨਾਂ ਦਾ ਢੀਮਾਂ ਕੀ ਵਿਗਾੜ ਲੈਂਦੀਆਂ।

ਜਿਹਨਾਂ ਸਿੰਘਾਂ ਕੋਲ ਕਿਰਪਾਨਾਂ ਸਨ ਉਹ ਕਿਰਪਾਨਾਂ ਤੇ ਬਾਕੀ ਸੇਂਟੇ ਆਦਿ ਲੈ ਕੇ ਜੰਗ ਲਈ ਅੱਗੇ ਵਧੇ। ਚਾਰ ਕੁ ਘੜੀਆਂ ਘਮਸਾਨ ਦਾ ਜੰਗ ਆਇਆ। ਦਮਦਮੇ ਵਾਲੇ ਵਿਦਿਆਰਥੀਆਂ ਕੋਲ ਕੋਈ ਸ਼ਸਤਰ ਨਹੀਂ ਸਨ, ਸੋ ਉਹ ਬਹੁਤਾ ਚਿਰ ਨਹੀਂ ਟਿਕ ਸਕਦੇ ਸਨ। ਪਰ ਫੇਰ ਵੀ ਉਹਨਾਂ ਜੰਗ ਨੂੰ ਪਿੱਠ ਨਹੀਂ ਦਿਖਾਈ। ਸਭ ਵਿਦਿਆਰਥੀ ਸ਼ਹੀਦ ਹੋਣ ਲੱਗੇ। ਅੰਮ੍ਰਿਤਸਰ ਸਾਹਿਬ ਵਾਲੇ ਮਝੈਲਾਂ ਨੇ ਬਹੁਤ ਬਹਾਦਰੀ ਨਾਲ ਮੁਕਾਬਲਾ ਕੀਤਾ। ਉਹਨਾਂ ਸਭਨਾ ਵਿਦਿਆਰਥੀਆਂ ਨੇ ਇਹ ਜੰਗ ਧਰਮ ਜੁੱਧ ਜਾਣ ਕੇ ਲੜਿਆ ਤੇ ਸ਼ਹਾਦਤਾਂ ਪਾਈਆਂ।

ਆਪਣੇ ਜਿਉਂਦੇ ਜੀਅ ਉਹਨਾਂ ਇਕ ਵੀ ਪਠਾਨ ਮਹਾਰਾਜ ਦੇ ਸਰੂਪਾਂ ਕੋਲ ਢੁੱਕਣ ਨਹੀਂ ਦਿਤਾ ਤੇ ਅੰਤ ਆਪਣੀਆਂ ਜਾਨਾਂ ਦੀ ਕੁਰਬਾਨੀ ਦੇ ਦਿੱਤੀ।