ਕੇ ਬੋਲਿਆ।
ਤੇ ਸਾਡੇ ਪੋਤਰੇ ਕਿਹੜਾ ਓਦੋਂ ਚੂੜੀਆਂ ਪਾਉਣ ਲੱਗ ਜਾਣਗੇ। ਸਾਡੇ ਪੋਤਰੇ ਵੀ ਤੇਰੇ ਪੋਤਰਿਆਂ ਦੇ ਇਸੇ ਤਰ੍ਹਾਂ ਦੰਦ ਭੰਨਣਗੇ... ਸਿੰਘ ਦੇ ਬੋਲ ਭਵਿੱਖ ਬਿਆਨ ਰਹੇ ਸਨ। ਸਰਦਾਰ ਚੜ੍ਹਤ
"ਐ ਅਹਿਮਦ ਸ਼ਾਹ ਅਬਦਾਲੀ ਦੇ ਪੋਤਰੇ, ਚੜ੍ਹਤ ਸਿੰਘ ਦਾ ਪੋਤਰਾ ਤੈਨੂੰ ਵੰਗਾਰ ਰਿਹਾ ਹੈ ", ਸਾਨੂੰ ਇਹ ਬੋਲ ਸਾਫ ਸਾਫ ਸੁਣਾਈ ਦਿੱਤੇ, ਜਾਪਿਆ ਕਿ ਜਿਵੇਂ ਸੰਮਨ ਬੁਰਜ਼ ਦੇ ਮੂਹਰੇ ਖਲੋਤੇ ਪੰਜਾਬ ਦੇ ਸ਼ੇਰ ਦੀ ਦਹਾੜ ਦੂਰ ਦੇਸੋਂ ਆਪਣੇ ਝੁੰਡ ਦੇ ਆਸਰੇ ਆਏ ਕਿਸੇ ਗਿੱਦੜ ਨੂੰ ਤ੍ਰੇਲੀਆਂ ਲਿਆ ਰਹੀ ਹੋਵੇ ਤੇ ਅਸੀ ਇਸ ਦੇ ਸਾਖੀ ਹੋਈਏ।
“ਐ ਅਹਿਮਦ ਸ਼ਾਹ ਅਬਦਾਲੀ ਦੇ ਪੋਤਰੇ, ਚੜਤ ਸਿੰਘ ਦਾ ਪੋਤਰਾ", ਪਰ ਅਸਲ ਵਿਚ ਸਾਡੇ ਮਗਰ ਖਲੋਤੇ ਜਿਸ ਸਿੰਘ ਨੇ ਇਹ ਬੋਲ ਬੋਲੇ ਸਨ, ਜਦ ਉਹ ਦੁਬਾਰਾ ਫੇਰ ਬੋਲਣ ਲੱਗਾ ਤਾਂ ਉਸ ਦੀ ਧਾਹ ਨਿਕਲ ਗਈ। ਉਹ ਕਿਸੇ ਵੱਡੀ ਜੰਗ ਜਿੱਤ ਕੇ ਹਾਰ ਗਏ ਜਰਨੈਲ ਵਾਂਗ ਥੱਕਿਆ ਹੋਇਆ ਸਾਡੇ ਮਗਰ ਡਿੱਗ ਪਿਆ।
