ਜਾਣ-ਪਛਾਣ
'ਭਗਤ-ਬਾਣੀ ਸਟੀਕ ਹਿੱਸਾ ਪਹਿਲਾ' ਦੇ ਅਖੀਰ ਵਿਚ ਨੋਟ ਦਿੱਤਾ ਗਿਆ ਸੀ ਕਿ ਦੂਜੇ ਹਿੱਸੇ ਵਿਚ ਭਗਤ ਰਵਿਦਾਸ ਜੀ ਦੀ ਬਾਣੀ ਦਾ ਟੀਕਾ ਪੇਸ਼ ਕੀਤਾ ਜਾਏਗਾ ।
ਕਾਗਜ਼ ਦੀ ਤੰਗੀ ਕਰਕੇ ਆਸ ਨਹੀਂ ਸੀ ਕਿ ਇਤਨੀ ਛੇਤੀ ਦੂਜੇ ਹਿੱਸੇ ਦੇ ਛਪਣ ਦੀ ਸੰਭਾਵਨਾ ਹੋ ਸਕੇਗੀ । ਪਰ 'ਸਿੰਘ ਬ੍ਰਦਰਚ' ਵਾਲਿਆਂ ਨੇ ਉੱਦਮ ਕਰ ਹੀ ਲਿਆ ਹੈ ।
ਟੀਕਾ ਲਿਖਣ ਵਿਚ, ਹੋ ਸਕਦਾ ਹੈ ਕਿ, ਕਈ ਥਾਈਂ ਕਈ ਸੱਜਣਾਂ ਨਾਲ ਮੇਰਾ ਮਤ-ਭੇਦ ਹੋਵੇ । ਜਿਉਂ ਜਿਉਂ ਗੁਰੂ ਪਾਤਿਸ਼ਾਹ ਨੇ ਮੈਨੂੰ ਰਸਤਾ ਦੱਸਿਆ, ਗੁਰਬਾਣੀ ਦੇ ਵਿਆਕਰਣ ਅਨੁਸਾਰ ਮੈਂ ਪੂਰੀ ਨੇਕ-ਨੀਅਤੀ ਨਾਲ ਮਿਹਨਤ ਕੀਤੀ ਹੈ । ਜੋ ਕਿਸੇ ਇਕ-ਅੱਧ ਸੱਜਣ ਨੂੰ ਭੀ ਇਸ ਵਿਚੋਂ ਕੋਈ ਹੁਲਾਰਾ ਆ ਸਕਿਆ, ਤਾਂ ਮੈਂ ਆਪਣੇ ਧੰਨ ਭਾਗ ਸਮਝਾਂਗਾ ਕਿ ਗੁਰੂ ਪਾਤਿਸ਼ਾਹ ਨੇ ਮੈਨੂੰ ਸੁਚੱਜੇ ਆਹਰ ਲਾਈ ਰੱਖਿਆ।
ਜੇ ਪਾਠਕ-ਸੱਜਣਾਂ ਨੇ ਸਰ-ਪ੍ਰਸਤੀ ਕਾਇਮ ਰੱਖੀ ਤਾਂ ਛੇਤੀ ਹੀ ਤੀਜੇ ਹਿੱਸੇ ਵਿਚ ਭਗਤ ਨਾਮਦੇਵ ਜੀ ਦੀ ਬਾਣੀ ਦਾ ਟੀਕਾ ਪੇਸ਼ ਕੀਤਾ ਜਾਏਗਾ ।
ਸ਼ਹੀਦ ਸਿੱਖ ਮਿਸ਼ਨਰੀ ਕਾਲਜ
ਅੰਮ੍ਰਿਤਸਰ
੧੧ ਅਗਸਤ ੧੯੫੯
ਸਾਹਿਬ ਸਿੰਘ
(ਰੀਟਾਇਰਡ ਪ੍ਰੋਫੈਸਰ)
