ਭਿਆਨਕ ਉਜਾੜ ਆਈ ਹੈ ਕਿ ਜੀ ਸਾਈਂ ਦਾ ਕਿਤੇ ਨਹੀਂ ਮਿਲਿਆ?

ਮਰਦਾਨੇ ਦਾ ਵਾਕ ਸੁਣ ਕੇ ਆਪ ਬੋਲੇ:-

ਸੁਨ ਕੈ ਬੋਲੇ ਕ੍ਰਿਪਾ ਨਿਧਾਨਾ।

ਇਹ ਨਹਿ ਲਖੋ ਉਜਾਰ ਮਹਾਨਾ।

ਬਡੋ ਨਗਰ ਵਸਦੀ ਅਭਿਰਾਮੂ।

ਸਿਮਰਨ ਹੋਤਿ ਜਹਾਂ ਸਤਿਨਾਮੂ। ।੩੬।।

ਜਹਿ ਪਰਮੇਸੁਰ ਚਿੱਤ ਨ ਆਵੈ।।

ਸੋ ਵਸਦੀ ਉਦਿਆਨ ਲਖਾਵੈ।।

ਹਰਖ ਨ ਹੋਵੈ ਤਹਾਂ ਕਦਾਈ।

ਜਹਾ ਨ ਕਬਹੂੰ ਪ੍ਰਭ ਗੁਣ ਗਾਈ। (ਸ੍ਰੀ ਗੁ: ਨਾ: ਪ੍ਰਕਾਸ਼)

ਮਰਦਾਨਿਆਂ ! ਉਹ ਉਜਾੜਾਂ ਵਸਦੀਆਂ ਹਨ। ਜਿਥੇ ਪ੍ਰਮੇਸ਼ਰ ਦਾ ਨਾਮ ਚਿਤ ਆਵੇ ਉਹ ਵਸਤੀਆਂ ਭਿਆਨਕ ਹਨ ਜਿੱਥੇ ਪ੍ਰਮੇਸ਼ਰ ਜੀ ਤੋਂ ਵਿਸਾਰਾ ਹੈ ਤੇ ਜਿੱਥੇ ਪਾਪ ਦਾ ਵਾਸਾ ਹੈ। ਉਹ ਗ੍ਰਿਹਸਤ ਉਹ ਨਗਰੀ ਸੋਹਣੀ ਹੈ, ਘੁੱਘ ਵੱਸਦੀ ਹੈ, ਜਿਥੇ ਪ੍ਰਮੇਸ਼ਰ ਦਾ ਨਾਮ ਹੈ। ਪ੍ਰਮੇਸ਼ਰ ਦੇ ਪ੍ਰੇਮ ਵਿਚ ਸਿੱਕਣ ਸੱਧਰਣ ਵਾਲਿਆਂ ਨੇ ਉਜਾੜਾਂ ਨੂੰ ਵਸਤੀਆਂ ਬਣਾਇਆ ਹੈ। ਸਾਈਂ ਦੇ ਸ਼ੌਂਕ ਵਿਚ ਆਏ ਘਰਾਂ ਨੂੰ ਛੱਡਕੇ ਬਨਾਂ ਵਿਚ ਜਾ ਭਾਗ ਲਾਉਂਦੇ ਹੈਨ, ਜਿੱਥੇ ਭਾਗਾਂ ਵਾਲੇ ਜਾ ਬੈਠੇ ਤੇ ਜਿੱਥੇ ਕਿਸੇ ਬੈਠਕੇ ਸਾਈਂ ਦੀ ਯਾਦ ਕੀਤੀ ਸੋ ਸੁਭਾਗ ਜਾਈਂ।

ਇਹ ਕਹਿੰਦਿਆਂ ਆਪ ਦੇ ਨੈਣ ਪ੍ਰੇਮ ਰੰਗ ਨਾਲ ਭਰਕੇ ਜਲ ਲੈ ਆਏ ਤੇ ਪਿਆਰੇ ਤੇ ਮਿਠੇ ਸਾਈਂ ਦੇ ਕੀਰਤਨ ਨਾਲ ਥਰਰ