ਜਿਸਨੇ ਸ਼ਿਵਾਂ ਦੇ ਹਥ ਵਿਚ ਖੋਪਰੀ ਦੇ

ਦਰ ਦਰ ਮੰਗਣ ਤੇ ਪਿੰਨਣ ਚੜ੍ਹਾਇਆ ਏ।

ਜਿਸਨੇ ਸੂਰਜ ਨੂੰ ਚੱਕ੍ਰ ਵਿਚ ਪਾਇਆ ਏ,

ਦਿਨੇ ਰਾਤ ਹੀ ਘੁੰਮ ਘੁਮਾਇਆ ਏ।

 

੯੭.      ਤੇਰੀ ਸੁੰਦਰਤਾ ਨੇ ਕੁਝ ਸਾਰਨਾ ਨਾਂ,

ਕੁਲ, ਸ਼ੀਲ ਤੇ ਵਿੱਦਯਾ ਬਨਾਵਨਾ ਕੀ ?

ਬੜੇ ਜਤਨ ਦੇ ਨਾਲ ਜੋ ਸੇਵ ਕੀਤੀ

ਓਸੇ ਸੇਵ ਨੇ ਹਈ ਦਿਵਾਵਨਾ ਕੀ?

ਪੂਰਬ ਜਨਮ ਦੇ ਸੰਚੇ ਤਪਸਯਾ ਦੇ

ਭਾਗ ਆਣ ਏਥੇ ਫਲ ਲਾਵਨਾ ਹੀ।

ਜਿਵੇਂ ਬ੍ਰਿੱਛ ਵਿਚ ਪੂਰਬਲੇ ਅਸਰ ਹੁੰਦੇ,

ਫਲਕੇ ਸਮੇਂ ਸੇਤੀ ਫਲ ਲ੍ਯਾਵਨਾ ਹੀ॥

 

੯੮.      ਬਨਾਂ ਵਿਚ, ਰਣਾਂ ਵਿਚ, ਵੈਰੀ ਸੰਦੇ ਦਲਾਂ ਵਿਚ,

ਅੱਰਾ ਵਿਚ, ਜਲਾਂ ਵਿਚ, ਵਿਚ ਮਹਾਂ ਸਮੁੰਦਰੀਂ:

ਨੀਂਦ ਵਿਚ ਸੁੱਤਿਆਂ ਤੇ ਹੋਇਆ ਅਚੇਤ ਭਾਈ,

ਸੰਕਟ ਜੋ ਪੈਣ ਸ਼ਿਖ੍ਰ ਪਰਬਤ ਤੇ ਕੰਦਰੀਂ।

ਜਦੋਂ ਹਿੱਤ ਸ੍ਰਸਥ ਨਹੀਂ ਸਾਵਧਾਨ ਰਹੇ ਨਾਹੀਂ,

'ਬਿਖੜੀ ਅਵਸਥਾ ਆਵੇ ਰੋਗੀ ਦੇਹੀ ਸੁੰਦਰੀ।

ਪੂਰਬ ਜਨਮ ਵਿਚ ਕੀਤੇ ਜੇੜ੍ਹੇ ਪੁੰਨ ਜੀਵ,

ਓਹੋ ਆਨ ਰੱਖ੍ਯਾ ਕਰਨ ਹੋਰ ਰਖ੍ਯਾ ਧੁੰਦਰੀ।

––––––––––

* ਵਾਧੂ।