ਹੁਣ ਬਾਹਵਾਂ ਮੋੜੀਆਂ ਹੋਣ ਦੀ ਮੁਦਰਾ ਇਕ ਪਾਸੇ ਇਹ ਦੱਸਦੀ ਹੈ ਕਿ ਉਹ ਵਿਅਕਤੀ ਵੀ ਕੁਝ ਚਿੰਤਾ ਜਾ ਤਣਾਅ ਵਿਚ ਹੈ ਕਿਉਂਕਿ ਉਸ ਨੂੰ ਹਾਲੇ ਇਹ ਨਹੀਂ ਪਤਾ ਕਿ ਉਸਨੂੰ ਕਿੰਨੇ ਪੈਸੇ ਮਿਲਣਗੇ, ਪਰ ਨਾਲ ਹੀ ਉਪਰ ਵਲ ਨੂੰ ਕੀਤੇ ਹੋਏ ਅੰਗੂਠੇ ਇਹ ਵੀ ਦੱਸ ਰਹੇ ਹਨ ਕਿ ਉਸ ਨੂੰ ਕੁਝ ਭਰੋਸਾ ਵੀ ਹੈ ਕਿਉਂਕਿ ਉਸਨੂੰ ਲੱਗ ਰਿਹਾ ਹੈ ਕਿ ਉਹ ਚੰਗੀ ਸਥਿਤੀ ਵਿਚ ਹੈ। ਪਤਾ ਨਹੀਂ ਕੀ, ਪਰ ਅੰਗੂਠੇ ਬਾਰੇ ਕੋਈ ਖਾਸ ਚੀਜ਼ ਹੈ ਜ਼ਰੂਰ। ਅਸੀਂ ਅਕਸਰ ਦੇਖਦੇ ਹਾਂ ਕਿ ਸਵੈ-ਭਰੋਸੇ ਵਾਲੇ ਲੋਕ ਆਪਣੇ ਹੱਥ ਜੈਕਟ ਜਾਂ ਕੋਟ ਦੀ ਜੇਬ ਵਿਚ ਪਾ ਲੈਂਦੇ ਹਨ ਪਰ ਅੰਗੂਠਾ ਬਾਹਰ ਹੀ ਰੱਖਦੇ ਹਨ ਅਮਰੀਕਾ ਦੇ ਰਹਿ ਚੁੱਕੇ ਰਾਸ਼ਟਰਪਤੀ ਜੌਹਨ ਐਫ ਕੈਨੇਡੀ ਦੀਆਂ ਫਿਲਮਾਂ ਤੇ ਚਿਤਰ ਦੇਖੋ ਤਾਂ ਉਹ ਸਦਾ ਹੀ ਆਪਣੇ ਹੱਥ ਜੇਬਾਂ ਵਿਚ ਰੱਖਦਾ ਸੀ ਪਰ ਉਸਦਾ ਅੰਗੂਠਾ ਬਾਹਰ ਹੁੰਦਾ ਸੀ।

ਜਿਹੜੇ ਵਪਾਰੀ ਅਤੇ ਕਾਰ ਮਕੈਨਿਕ ਦੀ ਆਪਾਂ ਹੁਣੇ ਗੱਲ ਕੀਤੀ ਹੈ, ਉਹ ਵੀ ਇਕ ਚਿੰਤਾ ਵਿਚ ਤਾਂ ਸਨ ਕਿ ਕਿਵੇਂ ਤੁਹਾਡੇ ਤੋਂ ਵੱਧ ਤੋਂ ਵੱਧ ਪੈਸੇ ਕਮਾਏ ਜਾਣ, ਪਰ ਨਾਲ ਹੀ ਉਹ ਜਾਣਦੇ ਹਨ ਕਿ ਹੁਣ ਤੁਸੀਂ ਫਸੇ ਹੋਏ ਹੋ ਅਤੇ ਉਨ੍ਹਾਂ ਦੇ ਇਲਾਵਾ ਤੁਸੀਂ ਕਿਸੇ ਹੋਰ ਕੋਲ ਜਾਣ ਜੋਗੇ ਨਹੀਂ।

ਇਸ ਕਿਸਮ ਦੀ ਬਾਹਵਾਂ ਮੋੜ ਕੇ ਰੱਖਣ ਦੀ ਮੁਦਰਾ ਤੁਸੀਂ ਅਕਸਰ ਕੰਮ ਉੱਤੇ ਅਤੇ ਵੈਸੇ ਵੀ ਦੇਖੋਗੇ। ਜਦੋਂ ਵੀ ਤੁਸੀਂ ਇਹ ਮੁਦਰਾ ਕੰਮ ਵਿਚ ਦੇਖੋ ਤਾਂ ਇਹ ਤੁਹਾਡੇ ਉਹੀ ਸਾਥੀ ਕਰਨਗੇ ਜਿਹੜੇ ਕਿਸੇ ਕਾਰਨ ਚਿੰਤਾ-ਬੇਆਰਾਮੀ ਵਿਚ ਤਾਂ ਹਨ ਪਰ ਨਾਲ ਹੀ ਉਨ੍ਹਾਂ ਨੂੰ ਆਪਣੇ ਰੁਤਬੇ ਕਾਰਨ ਭਰੋਸਾ ਵੀ ਹੁੰਦਾ ਹੈ।

ਅੱਧ-ਬਾਂਹ ਮੋੜਨਾ (Partial Arm Cross)

ਇਸ ਤੋਂ ਪਹਿਲਾਂ ਕਿ ਆਪਾਂ ਇਸ ਮਹੱਤਵਪੂਰਨ ਵਿਸ਼ੇ ਬਾਰੇ ਗੱਲ ਕਰੀਏ, ਅਸੀਂ ਪਹਿਲਾਂ ਇਹ ਦੇਖੀਏ ਕਿ ਅਸੀਂ ਕਿੰਨਾਂ ਢੰਗਾਂ ਨਾਲ ਆਪਣੇ ਬਚਾਅ ਵਾਲੀ ਇਸ ਹਰਕਤ ਦਾ ਪ੍ਰਗਟਾਵਾ ਕਰਦੇ ਹਾਂ। ਸ਼ਾਇਦ ਤੁਸੀਂ ਆਪ ਵੀ ਸਮੇਂ ਸਮੇਂ ਤੇ ਐਸਾ ਕਰਦੇ ਹੋਵੋ। ਤੁਸੀਂ ਅੱਧ-ਬਾਂਹ ਮੋੜਨ ਦੀ ਹਰਕਤ ਕਰਦੇ ਹੋ ਜਿਸ ਵਿਚ ਤੁਸੀਂ ਸਿਰਫ ਇਕ ਬਾਂਹ ਹੀ ਮੋੜਦੇ ਹੋ। ਸਿਰਫ ਇੱਕੋ ਬਾਂਹ ਹੀ ਇੱਕ ਰੱਖਿਆ-ਬੈਰੀਅਰ ਬਣਾਉਣ ਲਈ ਵਰਤੀ ਜਾਂਦੀ ਹੈ ਅਤੇ ਇਸ ਨਾਲ ਦੂਜੀ ਬਾਂਹ ਨੂੰ ਫੜ ਲਿਆ ਜਾਂਦਾ ਹੈ। ਇਹ ਹਰਕਤ ਔਰਤਾਂ ਵਿਚ ਆਮ ਹੈ ਅਤੇ ਜਦੋਂ ਤੁਸੀਂ ਕੁਝ ਐਸੇ ਲੋਕਾਂ ਦਾ ਇਕੱਠ ਦੇਖੋਗੇ ਜਿਹੜੇ ਇਕ ਦੂਜੇ ਨੂੰ ਚੰਗੀ ਤਰ੍ਹਾਂ ਨਾ ਜਾਣਦੇ ਹੋਣ ਤਾਂ ਤੁਸੀਂ ਇਹ ਵਾਲੀ ਹਰਕਤ ਬਹੁਤ ਗਿਣਤੀ ਵਿਚ ਦੇਖੋਗੇ।

ਇਕ ਵਾਰੀ ਫਿਰ ਬਚਪਨ ਵੱਲ ਚੱਲੀਏ, ਇਹ ਸਾਨੂੰ ਉਨ੍ਹਾਂ ਸਮਿਆਂ ਦੀ ਯਾਦ ਦਿਵਾਉਂਦੀ ਹੈ ਜਦੋਂ ਕਿਸੇ ਨੇ ਸਾਨੂੰ ਇਕ ਬਾਂਹ ਤੋਂ ਫੜਿਆ ਹੁੰਦਾ ਸੀ ਅਤੇ ਅਸੀਂ ਡਰੇ ਹੋਏ ਹੁੰਦੇ ਸੀ। ਉਦੋਂ ਅਸੀਂ ਐਸਾ ਹੀ ਕਰਦੇ ਸੀ। ਜਦੋਂ ਤੁਸੀਂ ਟੈਲੀਵੀਜ਼ਨ ਤੇ ਕੀਤੇ ਜਾ ਰਹੇ ਕਿਸੇ ਮੁਕਾਬਲੇ ਦਾ ਨਤੀਜਾ ਦੇਖਦੇ ਹੋ ਤਾਂ ਭਾਗ ਲੈਣ ਵਾਲੇ ਅਕਸਰ ਐਸਾ ਹੀ ਕਰ ਰਹੇ ਹੁੰਦੇ ਹਨ। ਜਾਂ ਫਿਰ ਚੋਣਾਂ ਦੇ ਨਤੀਜੇ ਦੀ ਇੰਤਜ਼ਾਰ ਕਰ ਰਹੇ ਉਮੀਦਵਾਰ ਵੀ ਇਸ ਮੁਦਰਾ ਵਿਚ