ਹਾਲਤ ਵਿਚ ਇਕ ਤਰ੍ਹਾਂ ਨਾਲ ਇਕ ਸੁਰ ਹੁੰਦਾ ਹੈ ਕਿਉਂਕਿ ਉਨ੍ਹਾਂ ਦਾ ਸਰੀਰ ਉਨ੍ਹਾਂ ਅੰਦਰ ਚਲ ਰਹੀਆਂ ਨਕਾਰਾਤਮਕ ਭਾਵਨਾਵਾਂ ਨੂੰ ਪੂਰੀ ਤਰ੍ਹਾਂ ਦਰਸਾ ਰਿਹਾ ਹੁੰਦਾ ਹੈ। ਇਸ ਸਥਿਤੀ ਵਿਚ ਬਿਲਕੁਲ ਹਰਕਤ ਨਹੀਂ ਹੋ ਰਹੀ ਹੁੰਦੀ ਅਤੇ ਉਹ ਆਪਣੀ ਇਕ ਬਚਾਅ ਵਾਲੀ ਹਾਲਤ ਤੋਂ ਬਿਲਕੁਲ ਹਿਲਜੁਲ ਨਹੀਂ ਕਰਦੇ।

ਹਰਕਤ

ਹੁਣੇ ਹੀ ਆਪਾਂ ਦੇਖਿਆ ਹੈ ਕਿ ਜਿਵੇਂ ਕਈ ਵਾਰ ਹਰਕਤ ਬਿਲਕੁਲ ਨਹੀਂ ਹੁੰਦੀ, ਉਸੇ ਤਰ੍ਹਾਂ ਕਈ ਵਾਰੀ ਬੜੀ ਤੇਜ਼ ਅਤੇ ਬੇਚੈਨੀ ਭਰੀਆਂ ਹਰਕਤਾਂ (Fidgety move- ments) ਸ਼ੁਰੂ ਹੋ ਜਾਂਦੀਆਂ ਹਨ। ਇਹ ਹਾਲਤ ਵੀ ਸਾਨੂੰ ਉਹੀ ਸੰਦੇਸ਼ ਦਿੰਦੀ ਹੈ। ਬਹੁਤ ਸਾਰੇ ਲੋਕ ਆਪਣੀ ਇਕ ਲੱਤ ਦੂਜੀ ਉਪਰੋਂ ਲੰਘਾ ਕੇ ਬੈਠਦੇ ਹਨ ਅਤੇ ਉਨ੍ਹਾਂ ਦਾ ਪੈਰ ਹਵਾ ਵਿੱਚ ਹਿਲ ਰਿਹਾ ਹੁੰਦਾ ਹੈ—ਇਕ ਪਾਸੇ ਤੋਂ ਦੂਜੇ ਪਾਸੇ, ਉਪਰ ਤੋਂ ਥੱਲੇ ਜਾਂ ਇਕ ਗੋਲਾਕਾਰ ਢੰਗ ਨਾਲ ਘੁੰਮ ਰਿਹਾ ਹੁੰਦਾ ਹੈ। ਕੁਝ ਲੋਕ ਆਮ ਤੌਰ ਤੇ ਐਸੀ ਹਰਕਤ ਨਹੀਂ ਕਰਦੇ। ਪੈਰਾਂ ਵਿਚ ਹੋ ਰਹੀ ਹਰਕਤ ਲਈ ਤੁਸੀਂ ਚੇਤੰਨ ਰਹੋ-ਸਥਿਰ ਪੈਰ ਤੋਂ ਅਚਾਨਕ ਹਰਕਤ ਸ਼ੁਰੂ ਹੋਣੀ, ਜਾਂ ਹਰਕਤ ਵਿਚ ਅਚਾਨਕ ਬਦਲਾਅ ਆਉਣਾ, ਗੋਲਾਕਾਰ ਤੋਂ ਉਪਰ ਹੇਠਾਂ ਦੀ ਹਰਕਤ ਹੋ ਜਾਣੀ, ਇਹ ਬਦਲਾਅ ਸਾਨੂੰ ਘਬਰਾਹਟ, ਖਿੱਝ ਜਾਂ ਗੁੱਸਾ ਪੈਦਾ ਹੋਣ ਦਾ ਇਸ਼ਾਰਾ ਕਰਦਾ ਹੈ, ਹਾਲਾਂਕਿ ਉਸ ਵਿਅਕਤੀ ਨੂੰ ਚੇਤੰਨ ਤੌਰ ਤੇ ਇਸ ਇਸ਼ਾਰੇ ਦਾ ਪਤਾ ਨਹੀਂ ਹੁੰਦਾ।