-ਮੇਰੇ ਦਾਦਾ ਜੀ ਦਾ ਕਹਿਣਾ ਹੈ ਕਿ ਕੁੜਤੇ ਵੀ ਤਾਂ ਹੀ ਸੋਹਣੇ ਲੱਗਦੇ ਹਨ ਜੇ ਜੇਬ ਵਿੱਚ ਕੁਝ ਹੋਵੇ।
-ਆਕੜ ਵੀ ਤਾਂ ਹੀ ਪੁਗਾਈ ਜਾ ਸਕਦੀ ਹੈ ਜੇਕਰ ਤੁਹਾਡੇ ਵਿੱਚ ਯੋਗਤਾ ਹੈ।
-ਆਪਣੀ ਆਪਣੀ ਮਾਨਸਿਕਤਾ ਵਿੱਚ ਅਸੀਂ ਸਾਰੇ ਅਪਰਾਧੀ ਹਾਂ।
-“ਪੈਸਾ” ਤੁਹਾਡੀ ਨਿੱਜੀ ਆਰਥਿਕਤਾ ਦੂਰ ਕਰ ਸਕਦਾ ਪਰ ਤੁਹਾਡੀ ਦਿਮਾਗ਼ੀ ਆਰਥਿਕਤਾ ਨਹੀਂ।
-ਘਰ ਵਿੱਚ ਜ਼ਿਆਦਾ ਬੋਲਣ ਜਾਂ ਟੋਕਣ ਵਾਲੇ ਲੋਕ ਹੁੰਦੇ ਤਾਂ ਸ਼ੇਰ ਹੀ ਹਨ ਪਰ ਹੁੰਦੇ ਸਰਕਸ ਵਾਲੇ ਹਨ।
-ਸਰਕਾਰ ਦਾ, ਅਪਰਾਧ ਦਾ ਅਤੇ ਅਖ਼ਬਾਰ ਦਾ ਕੋਈ ਧਰਮ ਨਹੀਂ ਹੁੰਦਾ।
-ਐਬ ਬਣਨ ਦੀਆਂ ਤਿੰਨ ਅਵਸਥਾਵਾਂ ਪਹਿਲਾ ਸ਼ੌਕ, ਫੇਰ ਜ਼ਰੂਰਤ, ਅੰਤ ਕਮਜ਼ੋਰੀ।
-ਇਨਸਾਨ ਪਹਿਲਾਂ ਜਾਨਵਰ ਤੋਂ ਇਨਸਾਨ ਬਣਿਆ ਹੁਣ ਫੇਰ ਇਨਸਾਨ ਤੋਂ ਜਾਨਵਰ ਬਣਦਾ ਜਾ ਰਿਹਾ ਹੈ।
-ਇਸ ਦੁਨੀਆ ਉੱਤੇ ਹਰ ਚੀਜ਼ ਦੀ ਵੰਡੀ ਪੈ ਸਕਦੀ ਹੈ, ਪਰ ਤੁਹਾਡੀ ਪੜ੍ਹਾਈ ਅਤੇ ਕਲਾ ਦੀ ਨਹੀਂ।
