-ਇਸ ਪੂਰੀ ਕਾਇਨਾਤ ਵਿੱਚ ਕਿਸੇ ਉੱਤੇ ਵੀ ਯਕੀਨ ਕਰ ਲਿਓ ਪਰ ਕਦੇ ਉਸ ਸ਼ਖ਼ਸ ਦੇ ਉੱਤੇ ਯਕੀਨ ਨਾ ਕਰਿਓ, ਜੋ ਖੁਦ ਕਹਿੰਦਾ ਹੋਵੇ ਕਿ "ਮੇਰਾ ਯਕੀਨ ਕਰੋ", ਧੋਖਾ ਹੀ ਮਿਲੂ।
-ਵਾਹ ਵਾਹ, ਸ਼ੁਕਰੀਆ ਅਤੇ ਪਿੱਠ ਥਾਪੜੇ ਨਾਲ ਕਦੇ ਘਰ ਨਹੀਂ ਚੱਲਦੇ ਹੁੰਦੇ।
-ਹੱਸਣਾ ਸਿਹਤ ਲਈ ਚੰਗਾ ਹੈ ਪਰ ਕਿਸੇ ਉੱਤੇ ਹੱਸਣਾ ਨਹੀਂ।
-ਹੱਸਣ ਵਿੱਚ ਅਤੇ ਖੁਸ਼ ਹੋਵਣ ਵਿੱਚ ਬੜਾ ਫ਼ਰਕ ਹੁੰਦਾ ਹੈ।
-ਅੱਜ ਕੱਲ੍ਹ ਦੀ "ਪੈਰੀਂ ਪੈਣਾ", ਗੋਡੇ ਪੈਣਾ ਬਣਦੀ ਜਾ ਰਹੀ ਹੈ।
-ਤੁਹਾਡੀ ਜ਼ਿੰਦਗੀ ਵਿੱਚ ਕੋਈ ਖ਼ਾਸ ਇਨਸਾਨ ਕਦੋਂ "ਜਾਨ" ਤੋਂ ਜਾਨਲੇਵਾ ਬਣ ਜਾਵੇ ਇਸ ਦਾ ਕੋਈ ਪਤਾ ਨਹੀਂ ਚੱਲਦਾ, ਧਿਆਨ ਰੱਖਿਆ ਕਰੋ।
-ਦੁਨੀਆ ਉੱਤੇ ਤੁਹਾਨੂੰ ਬਹੁਤ ਲੋਕ ਮਿਲਣਗੇ ਜੋ ਤੁਹਾਨੂੰ ਅਸਫ਼ਲ ਦੇਖ ਕੇ ਕਹਿਣਗੇ "ਇਹ ਬੰਦਾ ਹੈ ਕੋਈ” ਅਤੇ ਤੁਹਾਡੀ ਸਫ਼ਲਤਾ ਦੇਖ ਕੇ ਕਹਿਣਗੇ ਕਿ "ਇਹਦੇ ਵਰਗਾ ਬੰਦਾ ਹੀ ਨਹੀਂ ਕੋਈ"।
