-ਲੜਿਆ ਝਗੜਿਆ, ਜਿਦਿਆ ਅਤੇ ਡਾਂਟਿਆ ਵੀ ਉਹਨਾਂ ਨੂੰ ਹੀ ਜਾਂਦਾ ਹੈ, ਜਿਹਨਾਂ ਤੋਂ ਉਮੀਦ ਹੁੰਦੀ ਹੈ।
-ਸੱਥਾਂ ਵਿੱਚ ਬੈਠਣ ਵਾਲਿਆਂ ਦੀ ਸੰਸਦ ਵਾਲਿਆਂ ਨਾਲ ਮੁੱਛ ਫਸੀ ਹੀ ਰਹਿੰਦੀ ਹੈ।
-ਜਦ ਰਿਸ਼ਤੇ ਵਿੱਚ "ਮੈਂ ਤੂੰ" ਹੋ ਜਾਵੇ ਫੇਰ ਰਿਸ਼ਤਾ ਨਿੱਖਰ ਜਾਂਦਾ ਹੈ ਅਤੇ ਜਦ ਰਿਸ਼ਤੇ ਵਿੱਚ "ਤੂੰ ਤੂੰ ਮੈਂ ਮੈਂ" ਹੋ ਜਾਵੇ ਫੇਰ ਰਿਸ਼ਤਾ ਉੱਜੜ ਜਾਂਦਾ ਹੈ।
-ਸੁਪਨੇ ਕਾਲਪਨਿਕ ਜ਼ਰੂਰ ਹੁੰਦੇ ਹਨ ਪਰ ਜੇ ਤੁਸੀਂ ਚਾਹੋ ਤਾਂ ਆਪਣੇ ਸੁਪਨਿਆਂ ਨੂੰ ਵਾਸਤਵਿਕ ਮਿਹਨਤ ਨਾਲ ਹਾਸਲ ਕਰ ਸਕਦੇ ਹੋ।
-ਜ਼ਿੰਦਗੀ ਦਾ ਕੌੜਾ ਸੱਚ ਤੁਹਾਡੇ ਕੁਝ ਸਾਕ ਸੰਬੰਧੀ ਅਤੇ ਸਾਥੀ ਤੁਹਾਨੂੰ ਸਫ਼ਲ ਤਾਂ ਵੇਖਣਾ ਚਾਹੁੰਦੇ ਹਨ ਪਰ ਆਪਣੇ ਆਪ ਤੋਂ ਜ਼ਿਆਦਾ ਨਹੀਂ।
-ਅੱਜ ਦੇ ਦੌਰ ਵਿੱਚ ਜਿਸ ਦੇ ਹੱਥ ਮੋਬਾਇਲ ਹੈ ਉਹ ਸਭ ਦਾ ਜਰਨੈਲ ਹੈ।
-ਰਿਸ਼ਤਾ “ਮੈਂ ਤੂੰ” ਤੀਕਰ ਠੀਕ ਹੈ ਪਰ ਜਦ ਮੈਂ ਤੂੰ ਵਿੱਚ "ਤੇ" ਆ ਜਾਂਦਾ ਹੈ ਤਾਂ ਰਿਸ਼ਤਾ ਅੰਤਰਾਲ ਵਿੱਚ ਚਲਾ ਜਾਂਦਾ ਹੈ।
-"ਮੌਨ" ਵਿੱਚ ਕਿੰਨਾ ਕੁ ਸ਼ੋਰ ਹੁੰਦਾ ਹੈ ਇਸ ਦਾ ਅੰਦਾਜ਼ਾ ਆਵਾਜ਼ ਨਹੀਂ ਲਗਾ ਸਕਦੀ।
