-ਖ਼ਿਆਲਾਂ ਦਾ ਸਵੈਟਰ ਕਿਸੇ ਵੀ ਸਮੇਂ ਕਿਸੇ ਵੀ ਰੁੱਤ ਵਿੱਚ ਬੁਣਿਆ ਜਾ ਸਕਦਾ ਹੈ।
-ਸਵੇਰੇ ਤਿਆਰ ਹੋਣ ਤੋਂ ਬਾਅਦ ਸ਼ੀਸ਼ੇ ਮੂਹਰੇ ਆਕੇ ਆਪਣੇ ਅੱਖਾਂ ਵਿੱਚ ਅੱਖਾਂ ਪਾਕੇ ਇੱਕ ਲਾਈਨ ਜ਼ਰੂਰ ਬੋਲਿਆ ਕਰੋ "ਤੁਸੀਂ ਸੋਹਣੇ ਲੱਗ ਰਹੇ ਹੋ ਜੀ"।
-ਅਜੀਬ ਗੱਲ ਹੈ ਕਿ ਲੋਕਾਂ ਨੂੰ ਅਸੀਂ ਮੂਰਖ ਬਣਾ ਸਕਦੇ ਹਾਂ ਪਰ ਸਮਝਦਾਰ ਨਹੀਂ।
-ਅੰਧ-ਵਿਸ਼ਵਾਸ ਦਾ ਚਸ਼ਮਾ ਲੱਗਣ ਤੋਂ ਬਾਅਦ ਲੋਕਾਂ ਨੂੰ ਉਹ ਦਿਸਣ ਲੱਗ ਜਾਂਦਾ ਹੈ, ਜੋ ਹੁੰਦਾ ਹੀ ਨਹੀਂ।
-ਜ਼ਿੰਦਗੀ ਵਿੱਚ ਜੋ ਕੁਝ ਵੀ ਇਨਸਾਨ ਹਾਸਲ ਕਰਦਾ ਹੈ ਉਸ ਵਿੱਚ 99% ਇਨਸਾਨ ਦੀ ਮਿਹਨਤ ਹੁੰਦੀ ਹੈ ਅਤੇ 1% ਸੰਜੋਗ।
-ਜ਼ਿਆਦਾ "ਮੈਂ ਮੈਂ" ਕਰਨੀ ਮਾੜੀ ਹੈ ਉਦਾਹਰਨ ਵਜੋਂ ਬੱਕਰੇ ਨੂੰ ਹੀ ਵੇਖ ਲਓ।
-ਇਸ ਦੁਨੀਆ ਵਿੱਚ ਜੇਕਰ ਸਭ ਤੋਂ ਤੇਜ਼ ਕੁਝ ਗੁਜ਼ਰਦਾ ਹੈ ਤਾਂ ਉਹ ਸਮਾਂ ਹੈ।
-ਹਰ ਕਿਸੇ ਦੇ ਵੱਸ ਦੀ ਗੱਲ ਨਹੀਂ ਜੀ, ਸਭ ਕੁਝ ਹੁੰਦੇ ਹੋਏ ਵੀ ਰਾਜ ਕੋਈ ਹੀ ਕਰ ਸਕਦਾ ਹੈ।
-ਕਿਤਾਬ ਦੀ "ਬੁਨਿਆਦ" ਨਾ ਤਾਂ ਉਸ ਵਿੱਚ ਛਪੇ ਸਫ਼ਿਆਂ ਦੀ ਗਿਣਤੀ ਤਹਿ ਕਰ ਸਕਦੀ ਹੈ ਅਤੇ ਨਾ ਹੀ ਉਸ ਦੀ ਕੀਮਤ।
