ਬੜੀ ਲੰਮੀ ਕਹਾਣੀ ਏ

ਜੋ ਅੱਖਾਂ ਨੀਂਵੀਆਂ ਨੇ ਸ਼ੀਸ਼ਿਆਂ

ਦੇ ਸਾਹਮਣੇ ਬਹਿ ਕੇ

ਤੇ ਕੰਧਾਂ ਨੂੰ ਸੁਨਾਂਣੀ ਏ,

ਬੜੀ ਲੰਮੀ ਕਹਾਣੀ ਏ

ਮੇਰਾ ਮਤਲਬ ਕਿ ਪਲਕਾਂ ਮੁੱਢ

ਜੰਮੀ ਲੂਣੀਆਂ ਬਰਫ਼ਾਂ ਦੀ

ਜਿਹੜੀ ਤਹਿ ਪੁਰਾਣੀ ਏ,

ਬੜੀ ਲੰਮੀ ਕਹਾਣੀ ਏ

ਗੁਲਾਮਾਂ ਦੇ ਗ਼ੁਲਾਮਾਂ ਦੀ ਗ਼ੁਲਾਮੀ

ਕਰਦਿਆਂ ਹੋਇਆਂ

ਵਫ਼ਾ ਦੀ ਰੀਤ ਚਲੀ ਸੀ,

ਜਵਾਨੀ ਬੀਤ ਚਲੀ ਸੀ

ਕਿਸੇ ਜੁਗਨੂੰ ਨੇ ਦੱਸਿਆ ਏ

ਹਨ੍ਹੇਰਾ ਨਾਲ ਨਈਂ ਜੰਮਿਆ,

ਤੇਰੇ ਪੁਰਖਾਂ ਦਾ ਹਾਣੀ ਏ,

ਬੜੀ ਲੰਮੀ ਕਹਾਣੀ ਏ

ਇਹ ਸ਼ਾਹੀਆਂ ਨੂੰ ਬਚਾਵਣ ਲਈ

ਜੋ ਸਾਵੇ, ਲਾਲ,

ਕਾਲੇ ਝੰਡਿਆਂ ਦੇ ਨਾਲ ਖਹਿੰਦੇ ਨੇ