ਪੱਬਾਂ ਭਾਰ ਖਲੋਤਾ।
ਸੱਚ ਦਾ ਵੈਰੀ ਢਿੱਡ ਦਾ ਕੁੱਤਾ,
ਪਹਿਰੇਦਾਰ ਖਲੋਤਾ।
ਗਲ ਪਿਆ ਢੋਲ ਜੇ ਲਾਹੁਣਾ ਚਾਹਵਾਂ,
ਪੈ ਜਾਂਦਾ ਏ ਸ਼ੋਰ।
ਬੁੱਲ੍ਹਿਆ ਮੇਰੀ ਬੁੱਕਲ ਵਿੱਚੋਂ,
ਕਿੱਸਰਾਂ ਨਿੱਕਲੇ ਚੋਰ।
ਬੁੱਲ੍ਹਿਆ ਅੱਜ ਵੀ ਬੂਹੇ,
ਹਸ਼ਰ ਅਜ਼ਾਬ ਦੇ ਖੁੱਲ੍ਹੇ ਹੋਏ।
ਅੱਖਾਂ ਵਾਲੇ ਵੇਖ ਨਹੀਂ ਸਕਦੇ,
ਜੋ ਅਸਾਡਾ ਹਾਲ।
ਕੁੱਖੋਂ ਅੰਨ੍ਹੇ ਜੰਮਦੇ ਪਏ ਨੇ,
ਅੱਜ ਵੀ ਇੱਥੇ ਬਾਲ।
ਨੁੰਗਣ ਮਾਸ ਸ਼ਹੀਨ ਕਬਾਲੀ,
ਫੜ ਕੇ ਧਰਮੀ ਢਾਲ।
ਹਾਵੀਏ ਦੋਜ਼ਖ਼ ਦੇ ਡਰ ਮਾਰੇ,
ਨਾ ਜਿਉਂਦੇ ਨਾ ਮੋਏ।
ਬੁੱਲ੍ਹਿਆ ਬੂਹੇ ਅੱਜ ਵੀ,
ਹਸ਼ਰ ਅਜ਼ਾਬ ਦੇ ਖੁੱਲ੍ਹੇ ਹੋਏ।
