ਉਸ ਨੇ ਇਸ ਕੁੜੀ ਨਾਲ ਹਥਿਆਰਬੰਦ ਜੁਆਨਾਂ ਦੀ ਟੁਕੜੀ ਹਿਫਾਜ਼ਤ ਲਈ ਭੇਜੀ। ਇਹ ਗੱਲ 24 ਅਕਤੂਬਰ ਦੀ ਹੈ। ਸੀਲਾ ਤੋੜ ਕੇ ਪ੍ਰੇਸ ਚਾਲੂ ਕੀਤੀ ਜਿਸ ਨੇ ਗੱਜ ਵੱਜ ਕੇ ਇਨਕਲਾਬ ਦਾ ਐਲਾਨ ਕਰ ਦਿਤਾ। ਕ੍ਰਾਂਤੀ ਤੋਂ ਪਹਿਲਾਂ ਸੋਵੀਅਤ ਕਾਰਜਕਾਰਨੀ ਦੀ ਆਖਰੀ ਬੈਠਕ ਹੋਈ ਜਿਸ ਵਿਚ ਨਾ ਲੇਨਿਨ ਸੀ ਨਾ ਸਟਾਲਿਨ। ਹਰੇਕ ਬੰਦੇ ਨੂੰ ਜ਼ਿਮੇਵਾਰੀਆਂ ਵੰਡ ਦਿਤੀਆਂ ਗਈਆਂ।

ਕਰੈਂਸਕੀ ਨੇ ਤਾਸਕੀ ਅਤੇ ਬਾਕੀ ਕਾਰਿੰਦਿਆਂ ਨੂੰ ਗ੍ਰਿਫਤਾਰ ਕਰਨ ਦਾ ਹੁਕਮ ਦਿਤਾ ਤਾਂ ਉਸ ਨੂੰ ਪੁਛਿਆ ਗਿਆ- ਕਰ ਲਵੇਗੇ ਗ੍ਰਿਫਤਾਰੀਆਂ ? ਕਰੇਂਸਕੀ ਨੇ ਕਿਹਾ- ਕੀ ਪਤਾ.. ਸ਼ਾਇਦ... । ਤਾਸਕੀ ਨੇ ਕਿਹਾ- ਹੁਣ ਲੋਹੇ ਨਾਲ ਲੋਹਾ ਭਿੜੇਗਾ।

ਤਾਸਕੀ ਨੇ ਲਾਲ ਸੈਨਾ ਦੀ ਟੁਕੜੀ ਬੁਲਾਈ। ਬਹੁਤ ਸਹਿਜ ਨਾਲ ਪੀਤਰੋਗਰਾਦ ਮਹਿਲ ਉਪਰ 24-25 ਅਕਤੂਬਰ ਰਾਤੀ ਕਬਜ਼ਾ ਕਰ ਲਿਆ, ਫਿਰ ਡਾਕਖਾਨਿਆਂ, ਰੇਲਵੇ ਸਟੇਸ਼ਨਾਂ, ਟੈਲੀਫੋਨ ਐਕਸਚੇਂਜ ਅਤੇ ਬੈਂਕਾਂ ਤੇ ਕਬਜ਼ੇ ਕੀਤੇ। ਕੁਝ ਘੰਟਿਆਂ ਵਿਚ ਕਰੇਸਕੀ ਦੀ ਸਰਕਾਰ ਖਤਮ ਹੋ ਗਈ ਤੇ ਉਹ ਖੁਦ ਭੱਜ ਕੇ ਵਿਦੇਸ਼ੀ ਦੂਤਾਵਾਸ ਵਿਚ ਜਾ ਲੁਕਿਆ। ਲੈਨਿਨ ਅਜੇ ਵੀ ਗੁਪਤਵਾਸ ਵਿਚ ਸੀ। ਉਸ ਨੂੰ ਖ਼ਬਰਾਂ ਦਾ ਯਕੀਨ ਨਹੀਂ ਆਇਆ। ਛੁਪ ਕੇ ਉਸ ਨੇ ਰਾਜਧਾਨੀ ਦੇਖੀ ਤੇ ਇਨਕਲਾਬੀ ਲੀਡਰ ਕੰਮ ਕਰਦੇ ਦੇਖੇ ਜਿਨ੍ਹਾਂ ਦੇ ਵਾਲ ਉਲਝੇ ਹੋਏ ਸਨ, ਅੱਖਾਂ ਉਨੀਂਦਰੇ ਨਾਲ ਸੁੱਜੀਆਂ ਹੋਈਆਂ। ਉਹ ਹੁਕਮ ਦੇ ਰਹੇ ਸਨ ਜਿਨ੍ਹਾਂ ਦੀ ਪਾਲਣਾ ਹੁੰਦੀ ਦੇਖੀ। ਲੇਨਿਨ ਨੇ ਕਿਹਾ- "ਮੇਰੀ ਗੈਰ ਹਾਜ਼ਰੀ ਵਿਚ ਇਨ੍ਹਾਂ ਨੇ ਪਰਬਤ ਸਰ ਕਰ ਲਿਆ।" ਤਾਸਕੀ ਨੇ ਖੌਫ਼ਨਾਕ ਯੁੱਧ ਲੜਿਆ ਤੇ ਮਹਾਨ ਫਤਿਹ ਪ੍ਰਾਪਤ ਕੀਤੀ। ਕਾਮਿਆਂ ਦੀ ਗਿਣਤੀ 25-30 ਹਜ਼ਾਰ ਵਿਚਕਾਰ ਰਹੀ ਤੇ ਹਥਿਆਰਬੰਦ ਲਾਲ ਸੈਨਿਕ ਪੰਜ ਹਜ਼ਾਰ।

ਤਾਸਕੀ ਥਕਾਵਟ ਨਾਲ ਬੇਹੋਸ਼ ਹੋਣ ਵਾਲਾ ਹੋ ਗਿਆ ਸੀ ਪਰ ਟੈਲੀਫਨ ਸੁਨੇਹਾ ਸੁਣਨੇ, ਜਵਾਬ ਦੇਣਾ, ਜ਼ਬਾਨੀ ਸੁਨੇਹੇ ਤੇਜ਼ੀ ਨਾਲ ਭੇਜਣੇ ਸਨ। ਖਬਰ ਮਿਲੀ ਕਿ ਵਿੰਟਰ ਪੈਲੇਸ ਵਿਚ ਜ਼ਾਰ ਦੀ ਕੈਬਨਿਟ ਆਤਮ ਸਮਰਪਣ ਨਹੀਂ ਕਰਦੀ। ਤੁਰਤ ਹੁਕਮ ਭੇਜਿਆ- ਮਹਿਲ ਵਿਚ ਤੋਪ ਦਾ ਇਕ ਗੋਲਾ ਸੁਟੇ। ਫਿਰ ਦੇਖਣਾ ਕਿਵੇਂ ਗੋਡਿਆਂ ਭਾਰ ਆਉਂਦੇ ਹਨ। ਇਥੇ ਲੇਨਿਨ ਉਸ ਪਾਸ ਆਇਆ। ਦੋਵੇਂ ਜ਼ਮੀਨ ਤੇ ਬੈਠੇ ਸਲਾਹਾਂ ਕਰਨ ਲੱਗਾ ਕਿ ਕੱਲ੍ਹ ਨੂੰ ਨਵੀਂ ਸਰਕਾਰ ਦਾ ਐਲਾਨ ਕਰਕੇ ਰੂਸ ਅਤੇ ਸੰਸਾਰ ਵਿਚ ਅਮਨ ਸ਼ਾਂਤੀ ਦੀ ਕਾਮਨਾ ਕਰਾਂਗੇ। ਮੰਤਰੀ ਸ਼ਬਦ ਭੇੜਾ ਹੈ। ਅਸੀਂ ਆਪਣੇ ਵਜ਼ੀਰ ਨੂੰ ਕਮਿੱਸਰ ਕਿਹਾ ਕਰਾਂਗੇ। ਕਮਿੱਸਰ ਮਾਇਨੇ ਲੋਕਾਂ ਦਾ ਮਿੱਤਰ ਨੁਮਾਇੰਦਾ।

ਸਰਕਾਰ ਬਣਨ ਲੱਗੀ ਤਾਂ ਲੈਨਿਨ ਨੇ ਕਿਹਾ- ਤਾਸਕੀ ਸਟੇਟ ਦਾ ਮੁਖੀ