Back ArrowLogo
Info
Profile
53. ਈਵੈਂ ਗਈ ਵਿਹਾਇ

ਈਵੈਂ ਗਈ ਵਿਹਾਇ,

ਕੋਈ ਦਮ ਯਾਦੁ ਨ ਕੀਤਾ ।ਰਹਾਉ।

 

ਰਹੀ ਵੁਣਾਇ ਤਣਾਇ,

ਕੋਈ ਗਜ਼ ਪਾੜ ਨ ਲੀਤਾ ।1।

 

ਕੋਰਾ ਗਈ ਹੰਢਾਇ,

ਕੋਈ ਰੰਗਦਾਰ ਨ ਲੀਤਾ ।2।

 

ਭਰਿਆ ਸਰ ਲੀਲਾਇ,

ਕੋਈ ਬੁਕ ਝੋਲ ਨ ਪੀਤਾ ।3।

 

ਕਹੈ ਹੁਸੈਨ ਗਦਾਇ,

ਚਲਦਿਆਂ ਵਿਦਾ ਨ ਕੀਤਾ ।4।

 

54. ਈਵੈਂ ਗੁਜਰੀ ਰਾਤਿ

ਈਵੈਂ ਗੁਜਰੀ ਰਾਤਿ,

ਖੇਡਣਿ ਨਾ ਥੀਆ ।ਰਹਾਉ।

 

ਸਭੇ ਜਾਤੀ ਵੱਡੀਆਂ,

ਨਿਮਾਣੀ ਫ਼ਕੀਰਾਂ ਦੀ ਜਾਤਿ ।1।

 

ਖੇਡਿ ਘਿੰਨੋ ਖਿਡਾਇ ਘਿੰਨੋ,

ਥੀ ਗਈ ਪਰਭਾਤਿ ।2।

 

ਖੜਾ ਪੁਕਾਰੇ ਪਾਤਣੀ

ਬੇੜਾ ਕਵਾਤ ।3।

 

ਸ਼ਾਹ ਹੁਸੈਨ ਦੀ ਆਜਜ਼ੀ,

ਕਾਛ (ਕਾਫ਼) ਕੁਹਾੜੇ ਵਾਤਿ ।4। 

 

31 / 96
Previous
Next