ਅਠਵਾਰਾ

ਛਨਿੱਛਰਵਾਰ

ਦੋਹਰਾ : ਛਨਿੱਛਰਵਾਰ ਉਤਾਵਲੇ ਵੇਖ ਸਜਣ ਦੀ ਸੋ।

ਅਸਾਂ ਮੁੜ ਘਰ ਫੇਰ ਨਾ ਆਵਣਾ ਜੋ ਹੋਈ ਹੋਗ' ਸੋ ਹੈ।

-0-

ਵਾਹ ਵਾਹ ਛਨਿੱਛਰਵਾਰ ਵਹੇਲੇ, ਦੁੱਖ ਸਜਣ ਦੇ ਮੈਂ ਵਲ ਪੇਲੇ",

ਢੂੰਡਾਂ ਔਝੜ ਜੰਗਲ ਬੇਲੇ, ਓਹੜਾਂ ਰੈਣ ਕਵੱਲੜੇ ਵੇਲੇ,

ਬਿਰਹੋਂ ਘੇਰੀਆਂ।

ਘੜੀ ਤਾਂਘ ਤੁਸਾਡੀਆਂ ਤਾਂਘਾਂ, ਰਾਤੀਂ ਸੁੱਤੜੇ ਸ਼ੇਰ ਉਲਾਂਘਾਂ,

ਉੱਚੀ ਚੜ੍ਹ ਕੇ ਕੂਕਾਂ ਚਾਂਘਾਂ", ਸੀਨੇ ਅੰਦਰ ਰੜਕਣ ਸਾਂਗਾਂ,

ਪਿਆਰੇ ਤੇਰੀਆਂ।

ਐਤਵਾਰ

ਦੋਹਰਾ : ਐਤਵਾਰ ਸੁਨੇਤਾ ਹੈ ਜੋ ਜੋ ਕਦਮ ਧਰੇ।

ਉਹ ਵੀ ਆਸ਼ਕ ਨਾ ਕਰੋ ਸਿਰ ਦੇਂਦਾ ਉਜ਼ਰ ਕਰੇ।

-0-

ਐਤ ਐਤਵਾਰ ਭਾਇਤ, ਵਿੱਚੋਂ ਜਾਇ ਹਿਜਰ ਦੀ ਸਾਇਤ

ਮੇਰੇ ਦੁੱਖ ਦੀ ਸੁਣੇ ਹਕਾਇਤ ਆ ਅਨਾਇਤ ਕਰੇ ਹਦਾਇਤ,

ਤਾਂ ਮੈਂ ਤਾਰੀਆਂ।

ਤੇਰੀ ਯਾਰੀ ਜਹੀ ਨਾ ਯਾਰੀ, ਤੇਰੇ ਪਕੜ ਵਿਛੋੜੇ ਮਾਰੀ,

ਇਸ਼ਕ ਤੁਸਾਡਾ ਕਿਆਮਤ ਸਾਰੀ, ਤਾਂ ਮੈਂ ਹੋਈ ਆਂ ਵੇਦਨ ਭਾਰੀ,

ਕਰ ਕੁਝ ਕਾਰੀਆਂ12 ।

ਸੋਮਵਾਰ

ਦੋਹਰਾ : ਬੁੱਲ੍ਹਾ ਰੋਜ਼ ਸੋਮਵਾਰ ਦੇ ਕਿਆ ਚਲ ਚਲ ਕਰੇ ਪੁਕਾਰ।

-0-

¹ ਪਤਾ, ² ਹੋਵੇਗੀ, ³ਬਦਸ਼ਗਨੇ, ⁴ਘੱਲੇ, ⁵ਟੱਪਾਂ, ⁶ਚੀਕਾਂ ਮਾਰਾਂ, ⁷ ਬਰਛੀਆਂ, ⁸ ਸ਼ੁਭ ਘੜੀ, ⁹ ਵਿਛੋੜਾ, ¹⁰ਸਮਾਂ, ਪਲ¹¹ ਕਹਾਣੀ, ¹² ਇਲਾਜ, ¹³ਪਾਣੀ ਢੋਣ ਵਾਲੀ।