ਟੁਕੜੀ ਜਗ ਤੋਂ ਯਾਰੀ

ਅਰਸ਼ਾਂ ਦੇ ਵਿਚ 'ਕੁਦਰਤ ਦੇਵੀ'

ਸਾਨੂੰ ਨਜ਼ਰੀਂ ਆਈ,

‘ਹੁਸਨ-ਮੰਡਲ’ ਵਿਚ ਖੜੀ ਖੇਡਦੀ

ਖ਼ੁਸ਼ੀਆਂ ਛਹਿਬਰ ਲਾਈ।

ਦੌੜੀ ਨੇ ਇਕ ਮੁਠ ਭਰ ਲੀਤੀ

ਇਸ ਵਿਚ ਕੀ ਕੀ ਆਇਆ:-

ਪਰਬਤ, ਟਿੱਬੇ ਅਤੇ ਕਰੇਵੇ*

ਵਿਚ ਮੈਦਾਨ ਸੁਹਾਇਆ।

ਚਸ਼ਮੇ, ਨਾਲੇ, ਨਦੀਆਂ, ਝੀਲਾਂ

ਨਿੱਕੇ ਜਿਵੇਂ ਸਮੁੰਦਰ,

ਠੰਢੀਆਂ ਛਾਵਾਂ, ਮਿੱਠੀਆਂ ਹ੍ਵਾਵਾਂ,

ਬਨ ਬਾਗਾਂ ਜਿਹੇ ਸੁੰਦਰ,

ਬਰਫ਼ਾਂ, ਮੀਂਹ, ਧੁੱਪਾਂ ਤੇ ਬੱਦਲ

ਰੁੱਤਾਂ ਮੇਵੇ ਪ੍ਯਾਰੇ,

ਅਰਸ਼ੀ ਨਾਲ ਨਜ਼ਾਰੇ ਆਏ

–––––––––––––––––

੧. ਕਸ਼ਮੀਰ ਵਿਚ ਉਚੇਰੇ ਟਿੱਬਿਆਂ ਦੀਆਂ ਪੱਧਰਾਂ ਨੂੰ ਕਰੇਵਾ ਆਖਦੇ ਹਨ।