ਦੋ ਸ਼ਬਦ
ਕਰਨਦੀਪ ਸੋਨੀ.. ਇਸ਼ਕ ਦੀ ਪਨੀਰੀ ਵਿੱਚੋਂ ਪੁੰਗਰਦੇ ਫੁੱਲਾਂ ਦਾ ਇੱਕ ਮਾਲੀ, ਜੋ ਜਾਣਦਾ ਹੈ ਕਿੰਨੀ ਧੁੱਪ, ਕਿਨਾ ਪਾਣੀ ਤੇ ਕਿੰਨੀ ਰੇਹ ਜ਼ਰੂਰੀ ਹੈ, ਇਨ੍ਹਾਂ ਗੁਲਦਸਤਿਆਂ ਦੀ ਸੂਖ਼ਮ ਗਰਭ-ਅਵਸਥਾ ਲਈ।
'ਅੱਧੇ ਲੋਕੜ ਤੋਂ 'ਮਾਹੀ ਵੇ ਮੁਹੱਬਤਾਂ ਸੱਚੀਆਂ ਨੇੜ ਤੱਕ ਆਪਣੀ ਕਲਮ ਨੂੰ ਕਸੀਆ ਬਣਾ ਰੇਤਲੇ ਟਿੱਬਿਆਂ ਜਿਹੇ ਵਰਕਿਆਂ ਦੀ ਹਿੱਕ ਪਾੜ, ਕੋਹਿਨੂਰ ਤੋਂ ਵੀ ਕੀਮਤੀ ਲਫ਼ਜ਼ਾਂ ਦੀ ਗਾਨੀ ਬਣਾ, ਕਿਤਾਬ ਦੇ ਰੂਪ ਵਿੱਚ ਪੇਸ਼ ਕਰਨਾ ਕਾਬਿਲ-ਏ-ਤਾਰੀਫ਼ ਹੈ।
ਕਰਨਦੀਪ ਵਿੱਚ ਲਿਪਟੀ ਦੁਨੀਆ ਹੀ ਰੂਹਾਂ ਦੇ ਭੇਤ ਫੜਦੀ ਹੈ ਤੇ ਕਾਇਨਾਤ ਦੇ ਰੰਗ ਘੜਦੀ ਹੈ।
ਮੈਂ ਜਿੰਨੇ ਦੌਰ ਵੀ ਕਰਨ ਨੂੰ ਮਿਲਦਾ ਹਾਂ ਤਾਂ ਹਰ ਵਾਰ ਕੋਈ ਨਾ ਕੋਈ ਰਹੱਸ ਜਾਣਦਾ ਹਾਂ ਜੋ ਇਸ ਇਸ਼ਕ ਦੀ ਬਨਾਉਟੀ ਦੁਨੀਆਂ ਵਿੱਚ ਕਿਧਰੇ ਅਲੋਪ ਹੋ ਗਏ।
ਇਸ਼ਕ ਦੀ ਗੁੜਤੀ ਲੈ ਕਰਨ ਦੀ ਕਲਮ ਦੇ ਗਰਭ 'ਚੋਂ ਉਪਜੇ ਸ਼ਬਦਾਂ ਦਾ ਸਵਾਦ ਇੱਕ ਵਾਰ ਜ਼ਰੂਰ ਲੈਣਾ।
ਕਰਨ ਦੀ ਇਸ ਨਵੀਂ ਉਡਾਰੀ ਲਈ ਕਰਨ ਨੂੰ ਮੁਬਾਰਕਬਾਦ।
ਜੋ ਇਸ਼ਕ ਤੋਂ ਵਿਛੜੇ
ਇਸ਼ਕ ਲਿਖਦੇ ਨੇ,
ਇਸ਼ਕ ਵੀ ਉਨ੍ਹਾਂ ਦਾ
ਆਸ਼ਿਕ ਹੋ ਜਾਂਦਾ।
-ਜਸ਼ਨ ਚੰਮ
'ਇਸ਼ਕ ਮੈਖ਼ਾਨਾ ‘
7696665646
