ਨਾ ਇਸ਼ਕ ਤੋਂ ਨਜ਼ਰ ਵਿਸਾਰੋ
ਨਾ ਇਸ਼ਕ ਤੋਂ ਨਜ਼ਰ ਵਿਸਾਰੋ ਨੀ ਅੱਖੀਓ,
ਮੇਰੇ ਯਾਰ ਦਾ ਇਸ਼ਕ ਖ਼ੁਦਾ ।
ਰੋਗ ਇਸ਼ਕ ਦਾ ਜਿਸ ਤਨ ਲੱਗਿਆ,
ਉੱਥੇ ਇਸ਼ਕ ਦਾ ਨਾਮ ਦਵਾ ।
ਇਸ਼ਕ ਦੇ ਹੱਥੋਂ ਕਿੰਨਿਆਂ ਨੇ ਹੀ,
ਖੋ ਲਏ ਸੱਧਰਾਂ-ਚਾਅ।
ਬਾਂਝ ਸੱਜਣ ਕੋਈ ਯਾਰ ਦੀ ਖ਼ਾਤਰ,
ਨਹੀਂ ਮੰਗਦਾ ਹੋਰ ਦੁਆ ।
ਜਿਸ ਆਸ਼ਕ ਨੇ ਪੈਰ ਅਜੇ ਤਾਈਂ,
ਵਿਹੜੇ ਇਸ਼ਕ ਦੇ ਪਾਇਆ।
ਇੱਕ ਅੱਖ ਯਾਦਾਂ ਇੱਕ ਅੱਖ ਪਾਣੀ,
ਬਿਨਾਂ ਹਿਜਰ ਨਾ ਹੋਰ ਕਮਾਇਆ।
ਇਸ਼ਕ ਦੀ ਖ਼ਾਤਰ ਝਾਂਜਰ ਬੰਨ੍ਹ ਕੇ,
ਮੈਂ ਯਾਰ ਮਨਾਉਂਦੇ ਦੇਖੇ।
ਤਾਰਿਆਂ ਛਾਵੇਂ ਆਸ਼ਕ ਬੈਠੇ,
ਲੁਕ-ਲੁਕ ਰੋਂਦੇ ਦੇਖੇ ।
ਰੋਗ ਇਸ਼ਕ ਦਾ ਜਿਸ ਤਨ ਲੱਗਿਆ,
ਨਗਮਾ ਇਸ਼ਕ ਦਾ ਗਾਵੇ।
ਮਾਲਾ ਇਸ਼ਕ ਦੀ ਫੇਰੀ ਜਾਵੇ,
ਯਾਰ ਦਾ ਨਾਮ ਧਿਆਵੇ ।
