ਅਲਵਿਦਾ
ਅਲਵਿਦਾ ਦੋਸਤੋ ਅਲਵਿਦਾ,
ਹੁਣ ਹੁੰਦਾ ਹਾਂ ਮੈਂ ਵਿਦਾ ਦੋਸਤੋਂ ਅਲਵਿਦਾ।
ਇਕੱਠਿਆਂ ਰਹਿਣ ਦੀ ਰੀਝ ਅਧੂਰੀ ਰਹਿ ਚੱਲੀ।
ਜਾਂਦਿਆਂ ਪੱਲੇ ਪੀੜ੍ਹ ਹਿਜ਼ਰ ਦੀ ਪੈ ਚੱਲੀ।
ਗਿਲੇ ਸ਼ਿਕਵੇ ਦਿਓ ਮਿਟਾ,
ਦੋਸਤੋ ਅਲਵਿਦਾ।
ਹੁਣ ਹੁੰਦਾ ਹਾਂ ਮੈਂ ਵਿਦਾ,
ਦੋਸਤੋ ਅਲਵਿਦਾ।
ਅੱਖੀਓਂ ਟੁੱਟੇ ਖੁਆਬ ਸੁਨਹਿਰੀ,
ਹੰਝੂਆਂ ਰਾਹੀਂ ਰੁੜ੍ਹ ਗਏ।
ਚਿਹਰਿਆਂ ਉੱਤੇ ਛਾਈ ਉਦਾਸੀ,
ਖੁਸ਼ੀਆਂ ਤੋਂ ਮੁੱਖ ਮੁੜ ਗਏ।
ਨਹੀਂ ਆਉਣਾ ਕਦੇ ਇਸ ਰਾਹ,
ਦੋਸਤੋ ਅਲਵਿਦਾ।
ਹੁਣ ਹੁੰਦਾ ਹਾਂ ਮੈਂ ਵਿਦਾ,
ਦੋਸਤੋ ਅਲਵਿਦਾ।
ਜੋ ਕੋਈ ਇਸ ਸ਼ਹਿਰ ਮੇਰੇ ਤੋਂ ਬਾਅਦ ਰਹੇ।
ਉਹ ਸਦਾ ਸਲਾਮਤ ਰਹੇ, ਆਬਾਦ ਰਹੇ।
