ਇਸੀ ਪਰਕਾਰ ਬਾਰੰਬਾਰ ਉਨਕੇ ਪੁਛਣੇ ਕਰਿ ਪਾਂਚੋ ਅੰਗੁਲੀ ਖੜੀ ਕਰੀ। ਤਾਂ ਉਨਹੁ ਨੇ ਫੇਰ ਭੀ ਸੰਯਾ ਕਰੀ, ਕਹਿਆ: ਜੀ, ਸਮਾ ਕਠਨ ਹੈ! ਪੰਜਾ ਕਰਿ ਸਿਖ ਜੇ ਨਾ ਲੰਘੇ ਤਾਂ ਫੇਰ ਅਸੀਂ ਪੰਜਾ ਛਾਤੀ ਨਾਲ ਲਾਇ ਲੀਆ।'

ਫੇਰ ਗੁਰੂ ਜੀ ਕਹਿਆ: 'ਜੇਹੜਾ ਸਿਖੁ ਸਾਡਾ ਹੋਵੈਗਾ। ਪੰਜਾਂ ਪ੍ਯਾਰਯਾਂ ਦੀ ਸੇਵਾ ਕਰੇਗਾ ਭਾਵਨੀ ਕਰ, ਉਸਦੇ ਵਾਲੀ ਅਸੀਂ ਹਾਂ। ਫੇਰ ਉਨਹੁ ਨੇ ਕਹਿਆ ਸਤ ਬਚਨ ਜੀ! ਜੇ ਆਪ ਵਾਲੀ ਹਉ ਤਾਂ ਕਿਯਾ ਸੰਸਾ ਹੈ ਜੀ।'

ਡੇਰਾ ਦਸ ਦਿਨ ਰਹਿਆ। ਨਗਰੀ ਨੇ ਹੋਰਨਾਂ ਨਗਰੀਆਂ ਨੇ ਟਹਿਲ ਕੀਤਾ। ਜਮਾਂ ਨਿਰਨਾਂ ਇਹੁ: ਗੁਰੂ ਜੀ ਨੌ ਦਿਹ, ਨੌ ਪਹਿਰ, ਨੌ ਘੜੀਆਂ, ਨੌ ਪਲ ਡੇਰਾ ਰਹਿਆ।

ਗੁਰੂ ਜੀ ਚੜਨ ਲਗੇ ਨਗਰੀ ਨੇ ਜਥਾ ਸਕਤਿ ਸੀ ਸੋ ਮਥਾ ਟੇਕਿਆ॥੧੨੦॥

॥ਸਾਖੀ ਪੂਰੀ ਹੋਈ॥