21

ਦਾਦ ਪਰਾਏ ਹਾਲੀ ਹੋਰ

ਜਿੰਵੇਂ ਪਾਵੇ ਤਿਵੇਂ ਤੋਰ 

22

ਲੰਡਾ ਢੱਗਾ ਖੜਾ ਅੜਾਵੇ

ਸੰਢ ਅੜਾਵੇ ਬੰਨੇ

ਬਿਗਾਨੇ ਪੁੱਤ ਜੇ ਵਿੱਚ ਬਹਾਲੇ

ਭਰ-ਭਰ ਪੀਂਦੇ ਛੰਨੇ

ਕਮਾਦੀ ਹੋਰ ਬਿਜਾ ਲੈ ਰੰਨੇ

23

ਪਰ ਹੱਥੀਂ ਵਣਜ ਸੁਨੇਹੀਂ ਖੇਤੀ

ਕਦੇ ਨਾ ਹੁੰਦੇ ਬੱਤੀਆਂ ਦੇ ਤੇਤੀ

24

ਪਰ ਹੱਥੀਂ ਵਣਜ ਸੁਨੇਹੀਂ ਖੇਤੀ

ਬਿਨ ਦੇਖੋ ਵਰ ਦੇਵੇ ਬੇਟੀ

ਅਨਾਜ ਪੁਰਾਣਾ ਦੱਬੇ ਖੇਤੀ

ਇਹ ਚਾਰੇ ਦੇਖੇ ਡੁੱਬਦੇ ਛੇਤੀ

25

ਕੱਲਰ ਖੇਤ ਹਲ ਓਕੜ

ਢੱਗੇ ਬਹਿ-ਬਹਿ ਜਾਣ

ਨਾਰ ਕੁਲਹਿਣੀ ਕੌੜ ਗਾਂ

ਸਭ ਸ਼ੇਖੀਆਂ ਵਿਸਰ ਜਾਣ

26

ਕੱਲਰ ਖੇਤ ਕਸੂਤ ਹਲ

ਘਰ ਕੁਲਹਿਣੀ ਨਾਰ

ਚੌਥੇ ਮੈਲੇ ਕੱਪੜੇ

ਨਰਕ ਨਿਸ਼ਾਨੀ ਚਾਰ

27

ਵਾਹੀਆਂ ਉਹਨਾਂ ਦੀਆਂ

ਜਿਨ੍ਹਾਂ ਦੇ ਘਰ ਹੁੱਕੇ

ਹੁੱਕੇ ਉਹਨਾਂ ਦੇ

ਜਿਨ੍ਹਾਂ ਦੇ ਗੋਹੇ ਸੁੱਕੇ