166

ਜਿਉਂ-ਜਿਉਂ ਪਵੇ ਜਾੜਾ

ਹਾੜ੍ਹੀ ਮੰਗੇ ਪਾਣੀ ਗਾੜ੍ਹਾ

167

ਪੱਛੋਂ ਚੱਲੇ ਪੋਹ ਵਿੱਚ

ਕੋਰਾ ਪਵੇ ਜ਼ਰੂਰ

ਸਾਰੀ ਫਸਲ ਕਮਾਦ ਦੀ

ਹੋਵੇ ਚਿਕਨਾ ਚੂਰ

168

ਖੇਤੀ ਜਬ ਲਾਵੇ ਹੈ ਫੂਲ

ਕੋਹਰ ਪੜੇ ਤੋ ਵਲੇ ਨਾ ਮੂਲ

169

ਕੱਕਰ ਕੋਰਾ ਪੈਂਦਾ

ਵਾਹਕ ਦੀ ਸੁਧ-ਬੁਧ ਮਰੇਂਦਾ

170

ਜੇਠ ਪਏ ਠੰਢ

ਅਤੇ ਸੋਣ ਕੋਰਾ ਜਾਏ

ਢਕ ਕਹੇ ਸੁਣ ਭੰਡਲੀ

ਚੁਲੀਆਂ ਨੀਰ ਵਿਕਾਏ।

171

ਮੱਘਰ ਪੋਹ ਪਵੇ ਪਾਲਾ

ਹਾਲੀ ਹੋਵੇ ਸੁਖਾਲਾ

172

ਪੋਹ ਮਹੀਨਾ ਪਾਵੇ ਠੰਢ

ਉੱਗਿਆ ਬੂਟਾ ਬੰਨ੍ਹੇ ਘੰਡ

173

ਪਾਲਾ ਪਵੇ ਤੋਂ ਬਹੁਤ ਬਿਗਾੜੇ

ਸਰਸੋਂ, ਤਾਹਾ ਹਣੇ ਨੂੰ ਮਾਰੇ

174

ਧੁੰਦ ਪਏ ਸਿਆਲ

ਮਾੜਾ ਪੈਂਦਾ ਮਾਲ

ਕੁੰਗੀ ਲੱਗਦੀ ਕਣਕਾਂ ਨਾਲ

ਖੇਤੀ ਨਾ ਹੋਵੇ ਕਦੇ ਬਹਾਲ