ਨਹੀਂ ਉਨ੍ਹਾਂ ਦੀ ਆਸ

347

ਡੱਡ ਟਪੂਸੀ ਕੰਗਣੀ

ਡਾਂਗੋਂ ਡਾਂਗ ਕਪਾਹ

ਲੱਠੇ ਦੀ ਬੁੱਕਲ ਮਾਹ ਕੇ

ਛੱਲੀਆਂ ਵਿੱਚ ਦੀ ਜਾ

348

ਤਿੱਲ ਵਿਰਲੇ ਜੌਂ ਸੰਘਣੇ

ਵੱਟੋ ਵੱਟ ਕਪਾਹ

ਲੇਫ ਦੀ ਬੁੱਕਲ ਮਾਰ ਕੇ

ਤੂੰ ਮੱਕੀ ਵਿੱਚ ਦੀ ਜਾ

349

ਮੋਨ ਸਪਤਲ ਤਿਲ ਘਣੋ

ਡਡ ਤਰਪ ਜਵਾਰ

ਗਿੱਠੋ ਉੱਤੇ ਬਾਜਰਾ

ਦੁਲਾਂਘਾਂ ਉੱਤੇ ਬਾਰ*

350

ਚਣਾ ਚੇਤ ਘਣਾ

ਕਣਕ ਘਣੀ ਵਿਸਾਖ

ਤੀਵੀਂ ਘਣੀ ਤਾਂ ਜਾਣੀਏਂ

ਜੇ ਮੁੰਡਾ ਹੋਵੇ ਢਾਕ

351

ਛੋਲੇ ਢੀਮਲ 

ਮੁੰਡਾ ਸੀਂਢਲ

352

ਛੋਲੇ ਕੀ ਜਾਨਣ ਵਾਹ ਨੂੰ

ਸਾਹਨ ਕੀ ਜਾਣੇ ਰਾਹ ਨੂੰ

353

ਡੰਡੇ-ਡੰਡੇ ਬਾਜਰਾ

ਡੰਡ ਟਪ ਜਵਾਰ

ਘਣੀ ਕਣਕ

ਉੱਠ ਬਹੇ ਬੰਨਵਾੜ*"

*ਬਾਰ-ਕਪਾਹ

*'ਵੰਡਵਾੜ-ਕਪਾਹ