ਬੁੜ੍ਹੀ ਸਿਰ ਖੰਡਾਈ ਬੈਠੀ ਏ

ਅੱਕ ਦਾ ਵਰਨਣ ਵੀ ਤਾਂ ਪਰਸੰਸਾ ਯੋਗ ਹੈ—

ਅੰਬ ਅੰਬਾਲੇ ਦੇ

ਫੁੱਲ ਪਟਿਆਲੇ ਦੇ

ਰੂੰ ਜਗਰਾਵਾਂ ਦੀ

ਜੜ ਇੱਕੋ

ਜੇ ਕਰ ਬੁਝਾਰਤਾਂ ਪਾਉਣ ਵਾਲਾ ਕੋਈ ਅਫੀਮੀ ਪੋਸਤੀ ਹੋਵੇ ਤਾਂ ਉਸ ਨੂੰ ਪੋਸਤ ਬਾਰੇ ਹੀ ਬੁਝਾਰਤਾਂ ਸੁਝਦੀਆਂ ਹਨ। ਡੋਡਿਆਂ ਬਾਰੇ ਬੁਝਾਰਤਾਂ ਸੁਣੋ-

ਹਰਾ ਪੱਤ

ਪੀਲਾ ਪੱਤ

ਉੱਤੇ ਬੈਠਾ ਘੁੱਕਰ ਜੱਟ

ਜਾਂ

ਉਹ ਕਬੂਤਰ ਕੈਸਾ

ਜੀਹਦੀ ਚੁੰਝ ਉੱਤੇ ਪੈਸਾ ਅਤੇ

ਹੱਥ ਕੁ ਟਾਂਡਾ

ਬਿਨ ਘੁਮਾਰ ਘੜਿਆ ਭਾਂਡਾ

ਐਸੀ ਘੜਨੀ ਕੋਈ ਨਾ ਘੜੇ

ਮਰਦ ਦੇ ਪੇਟ ਇਸਤਰੀ ਪੜੇ

ਇਸੇ ਇਸਤਰੀ ਰੂਪੀ ਅਫੀਮ ਖਾਤਰ ਤਾਂ ਸਭ ਕੁਝ ਮਨਜੂਰ ਹੈ—

ਪੰਜ ਕੋਹ ਪੱਟੜੀ

ਪੰਜਾਹ ਕੋਹ ਠਾਣਾ

ਹੀਰ ਨਹੀਂ ਛੱਡਣੀ

ਕੈਦ ਹੋ ਜਾਣਾ

ਸ਼ਾਇਦ ਇਸੇ ਕਰਕੇ ਹੀ ਪੋਸਤੀਆਂ ਨੂੰ ਕਮਲੇ ਸੱਦਦੇ ਹਨ-

ਲੱਕੜੀ ਤੇ ਟੋਪੀ

ਤੇ ਟੋਪੀ ਵਿੱਚ ਚਾਵਲ

ਚਾਵਲ ਖਾਂਦੇ ਰਮਲੇ

ਤੇ ਟੋਪੀ ਖਾਂਦੇ ਕਮਲੇ

ਕਰੀਰਾਂ ਅਤੇ ਬੇਰੀਆਂ ਦੇ ਦਰੱਖਤਾਂ ਬਾਰੇ ਵੀ ਪਾਲੀ ਬੁਝਾਰਤਾਂ ਸਿਰਜ ਲੈਂਦੇ ਹਨ-

ਹਰਾ ਫੁੱਲ ਮੁੱਢ ਕੇਸਰੀ

ਬਿਨਾਂ ਪੱਤਾਂ ਦੇ ਛਾਂ

ਰਾਜਾ ਪੁੱਛੇ ਰਾਣੀ ਨੂੰ