(ਪਰੇਣੀ)

ਖੁਰਪੇ ਬਾਰੇ ਇੱਕ ਬੁਝਾਰਤ ਇਸ ਤਰ੍ਹਾਂ ਹੈ-

ਭੁੱਬਲ ਵਿੱਚ

ਦੰਦਈਆ ਨੱਚੇ

ਪੁਛ ਮੇਰੇ ਹੱਥ

ਦਾਤੀ ਨੂੰ ਵੀ ਬੁਝਾਰਤਾਂ ਦਾ ਵਿਸ਼ਾ ਬਣਾਇਆ ਗਿਆ ਹੈ—

ਐਨੀ 'ਕ ਹਰਨੀ

ਸਾਰਾ ਖੇਤ ਚਰਨੀ

ਮੰਗਣ ਇਕ ਨਾ ਕਰਨੀ

(ਦਾਤੀ)

ਹੋਰ

ਐਨੀ 'ਕ ਕੁੜੀ

ਉਹਦੇ ਜਰੀ-ਜਰੀ ਦੰਦ

ਖਾਂਦੀ ਪੀਂਦੀ ਰੱਜੇ ਨਾਂਹੀ

ਬੰਨ੍ਹ ਚੁਕਾਵੇ ਪੰਡ

(ਦਾਤੀ)

ਅਤੇ

ਪਾਲੋ ਪਾਲ ਵੱਛੇ ਬੰਨ੍ਹੇ

ਇੱਕ ਵੱਛਾ ਪਲਾਹਾ

ਜਿਹੜਾ ਮੇਰੀ ਬਾਤ ਨੀ ਬੁੱਝ

ਉਹਦਾ ਪਿਉ ਜੁਲਾਹਾ

(ਦੰਦਾ ਟੁੱਟੇ ਵਾਲੀ ਦਾਤੀ)

ਕੁਤਰਾ ਕਰਨ ਵਾਲੀ ਮਸ਼ੀਨ ਦਾ ਵਰਨਣ ਕਿਸੇ ਨੇ ਕਿੰਨਾ ਸੋਹਣਾ ਕੀਤਾ ਹੈ—

ਦੋ ਚਪਾਹੀ ਲੜਦੇ ਗਏ

ਬੇਰੀ ਦੇ ਪੱਤੇ ਝੜਦੇ ਗਏ

ਚਲਦੇ ਹਲਟ ਦਾ ਨਜ਼ਾਰਾ ਕਿੰਨਾ ਸੁੰਦਰ ਹੈ-

ਆਰ ਡਾਂਗਾਂ

ਪਾਰ ਡਾਂਗਾਂ

ਵਿੱਚ ਟਲਮ ਟੱਲੀਆਂ

ਆਉਣ ਕੂੰਜਾਂ ਦੇਣ ਬੱਚੇ

ਨਦੀ ਨਾਵਣ ਚੱਲੀਆਂ

ਹਲਟ ਦੇ ਕੁੱਤੇ ਦੀ ਆਪਣੀ ਮਹਾਨਤਾ ਹੈ—

ਨਿੱਕਾ ਜਿਹਾ ਕਾਕਾ