ਤੁਰ ਪਰਦੇਸ ਗਿਉਂ-

ਦਿਲ ਮੇਰੇ ਵਿੱਚ ਵਸ ਕੇ

44

ਤੇਰੇ ਬਾਜਰੇ ਦੀ ਰਾਖੀ ਦਿਓਰਾ

ਮੈਂ ਨਾ ਬਹਿੰਦੀ ਹੈ

ਜੇ ਮੈਂ ਤਾੜੀ ਮਾਰ ਉਡਾਵਾਂ

ਮੇਰੀ ਮਹਿੰਦੀ ਲਹਿੰਦੀ ਹੋ 

ਤੇਰੇ ਬਾਜਰੇ ਦੀ ਰਾਖੀ ਦਿਓਰਾ

ਮੈਂ ਨਾ ਬਹਿੰਦੀ ਹੋ

ਜੇ ਮੈਂ ਸੀਟੀ ਮਾਰ ਉਡਾਵਾਂ

ਮੇਰੀ ਸੁਰਖੀ ਲਹਿੰਦੀ ਹੋ

ਤੇਰੇ ਬਾਜਰੇ ਦੀ ਰਾਖੀ

ਦਿਓਰਾ ਮੈਂ ਨਾ ਬਹਿੰਦੀ ਹੋ

ਜੈ ਮੈਂ ਅੱਡੀ ਮਾਰ ਉਡਾਵਾਂ

ਮੇਰੀ ਝਾਂਜਰ ਲਹਿੰਦੀ ਹੈ

ਤੇਰੇ ਬਾਜਰੇ ਦੀ ਰਾਖੀ ਦਿਓਰਾ

ਮੈਂ ਨਾ ਬਹਿੰਦੀ ਹੋ

45

ਸੌਣ ਮਹੀਨੇ ਬੱਦਲ ਪੇ ਗਿਆ

ਹਲ ਜੋੜ ਕੇ ਜਾਈਂ

ਬਾਰਾਂ ਘੁਮਾ ਦਾ ਵਾਹਣ ਆਪਣਾ

ਬਾਜਰਾ ਬੀਜ ਕੇ ਆਈ

ਨੱਕਿਆਂ ਦਾ ਤੈਨੂੰ ਗ਼ਮ ਨਾ ਕੋਈ

ਨੱਕੇ ਛੱਡਾਂ ਮੈਂ ਤੜਕੇ ਵੀਰ ਨੂੰ ਵੀਰ ਮਿਲੇ-

ਵੱਟ ਤੇ ਗੋਪੀਆ ਧਰਕੇ

46

ਘਰ ਤਾਂ ਜਿਨ੍ਹਾਂ ਦੇ ਕੋਲੋ ਕੋਲੀ

ਖੇਤ ਜਿਨ੍ਹਾਂ ਦੇ ਨਿਆਈਆਂ

ਕੋਲੋ ਕੋਲੀ ਮੰਨ੍ਹੇ ਗਡਾ ਲੇ

ਗੱਲਾਂ ਕਰਨ ਪਰਾਈਆਂ

ਉੱਚੀਆਂ ਚਰੀਆਂ ਸੰਘਣੇ ਬਾਜਰੇ

ਖੇਡਣ ਲੁਕਣ ਮਚਾਈਆਂ