ਰੁੱਖ

58

ਪਿੱਪਲ

ਪਿੱਪਲ ਦਿਆ ਪੱਤਿਆ

ਕੇਹੀ ਖੜ-ਖੜ ਲਾਈ ਆ

ਪੱਤ ਝੜੇ ਪੁਰਾਣੇ

ਰੁੱਤ ਨਵਿਆਂ ਦੀ ਆਈ ਆ

59

ਪਿੱਪਲਾ ਦਸ ਦੇ ਵੇ

ਕਿਹੜਾ ਰਾਹ ਸੁਰਗਾਂ ਨੂੰ ਜਾਵੇ

60

ਪਿੱਪਲਾਂ ਉੱਤੇ ਆਈਆਂ ਬਹਾਰਾਂ

ਬੋਹੜਾਂ ਨੂੰ ਲੱਗੀਆਂ ਗੋਹਲਾਂ

ਜੰਗ ਨੂੰ ਨਾ ਜਾ ਵੇ

ਦਿਲ ਦੇ ਬੋਲ ਮੈਂ ਬੋਲਾਂ

61

ਥੜ੍ਹਿਆਂ ਬਾਝ ਨਾ ਸੋਹਦੇ ਪਿੱਪਲ

ਫੁੱਲਾਂ ਬਾਝ ਫੁਲਾਹੀਆਂ

ਹੰਸਾਂ ਨਾਲ ਹਮੇਲਾਂ ਸੋਂਹਦੀਆਂ

ਬੰਦਾਂ ਨਾਲ ਗਜਰਾਈਆਂ

'ਧੰਨ ਭਾਗ ਮੇਰਾ' ਆਖੇ ਪਿੱਪਲ

ਕੁੜੀਆਂ ਨੇ ਪੀਘਾਂ ਪਾਈਆਂ

ਸਾਉਣ ਵਿੱਚ ਕੁੜੀਆਂ ਨੇ

ਪੀਂਘਾਂ ਅਸਮਾਨ ਚੜ੍ਹਾਈਆਂ

62

ਸੁਣ ਪਿੱਪਲਾ ਵੇ ਮੇਰੇ ਪਿੰਡ ਦਿਆਂ

ਪੀਘਾਂ ਤੇਰੇ ਤੇ ਪਾਈਆਂ

ਦਿਨ ਤੀਆਂ ਦੇ ਆਗੇ ਨੇੜੇ

ਉੱਠ ਪੇਕਿਆਂ ਨੂੰ ਆਈਆਂ