ਬੇਰੀਆਂ ਵੀ ਲੰਘ ਆਈ

ਲੰਘਣੇਂ ਰਹਿ ਗੇ ਕਰੀਰ

ਕੁੜਤੀ ਮਲਮਲ ਦੀ-

ਭਾਫਾਂ ਛੱਡੇ ਸਰੀਰ

69

ਤੈਨੂੰ ਕੀ ਲਗਦਾ ਮੁਟਿਆਰੇ

ਕਿੱਕਰਾਂ ਨੂੰ ਫੁੱਲ ਲਗਦੇ

70

ਮੁੰਡਾ ਰੋਹੀ ਦੀ ਕਿੱਕਰ ਦਾ ਜਾਤੂ

ਵਿਆਹ ਕੇ ਲੈ ਗਿਆ ਤੂਤ ਦੀ ਛਟੀ

71

ਮੁੰਡਾ ਰੋਹੀ ਦੀ ਕਿੱਕਰ ਤੋਂ ਕਾਲਾ

ਬਾਪੂ ਦੇ ਪਸੰਦ ਆ ਗਿਆ

72

ਤੇਰੀ ਥਾਂ ਮੈਂ ਮਿਣਦੀ

ਤੂੰ ਬੈਠ ਕਿੱਕਰਾਂ ਦੀ ਛਾਵੇਂ

73

ਉੱਥੇ ਕਿੱਕਰਾਂ ਨੂੰ ਲਗਦੇ ਮੋਤੀ

ਜਿੱਥੋਂ ਮੇਰਾ ਵੀਰ ਲੰਘਦਾ

74

ਤੈਨੂੰ ਸਖੀਆਂ ਮਿਲਣ ਨਾ ਆਈਆਂ

ਕਿੱਕਰਾਂ ਨੂੰ ਪਾ ਲੈ ਜੱਫੀਆਂ

75

ਬੇਰੀਆਂ

ਸਾਨੂੰ ਬੇਰੀਆਂ ਦੇ ਬੇਰ ਪਿਆਰੇ

ਨਿਉਂ-ਨਿਉਂ ਚੁਗ ਗੋਰੀਏ

76

ਮਿੱਠੇ ਬੇਰ ਫੇਰ ਨੀ ਥਿਆਉਣੇ

ਸਾਰਾ ਸਾਲ ਡੀਕਦੀ ਰਹੀ

77

ਬੇਰੀਏ ਨੀ ਤੈਨੂੰ ਬੇਰ ਬਥੇਰੇ

ਕਿੱਕਰੇ ਨੀ ਤੈਨੂੰ ਤੱਕ

ਰਾਂਝਾ ਦੂਰ ਖੜਾ