110

ਅੰਬ

ਛੱਡਕੇ ਦੇਸ਼ ਦੁਆਬਾ

ਅੰਬੀਆਂ ਨੂੰ ਤਰਸੇਂ ਗੀ

111

ਕਿਹੜੇ ਯਾਰ ਦੇ ਬਾਗ ਚੋਂ ਨਿਕਲੀ

ਮੁੰਡਾ ਰੋਵੇ ਅੰਬੀਆਂ ਨੂੰ

112

ਕਿਤੇ ਬਾਗ ਨਜ਼ਰ ਨਾ ਆਵੇ

ਮੁੰਡਾ ਰੋਵੇ ਅੰਬੀਆਂ ਨੂੰ

113

ਕਾਹਨੂੰ ਮਾਰਦੇ ਜੱਟਾ ਲਲਕਾਰੇ

ਤੇਰੇ ਕਿਹੜੇ ਅੰਬ ਤੋੜ ਲੇ

114

ਅੰਬ ਕੋਲੇ ਇਮਲੀ

ਨੀ ਜੰਡ ਕੋਲੇ ਟਾਹਲੀ

ਅਕਲ ਬਿਨਾਂ ਨੀ

ਗੋਰਾ ਰੰਗ ਜਾਵੇ ਖਾਲੀ

115

ਵਿਹੜੇ ਦੇ ਵਿੱਚ ਅੰਬ ਸੁਣੀਂਦਾ

ਬਾਗਾਂ ਵਿੱਚ ਲਸੂੜਾ

ਕੋਠੇ ਚੜ੍ਹਕੇ ਦੇਖਣ ਲੱਗਿਆ

ਸੂਤ ਟੇਰਦੀ ਦੁਹਰਾ

ਯਾਰੀ ਲਾ ਕੇ ਦਗਾ ਕਮਾਗੀ

ਖਾ ਕੇ ਮਰੂ ਧਤੂਰਾ

ਕਾਹਨੂੰ ਪਾਇਆ ਸੀ-

ਪਿਆਰ ਵੈਰਨੇ ਗੂਹੜਾ

116

ਜੇਠ ਹਾੜ੍ਹ ਵਿੱਚ ਅੰਬ ਬਥੇਰੇ

ਸਾਉਣ ਜਾਮਨੂੰ ਪੀਲਾਂ

ਰਾਂਝਿਆ ਆ ਜਾ ਵੇ

ਤੈਨੂੰ ਪਾ ਕੇ ਪਟਾਰੀ ਵਿੱਚ ਕੀਲਾਂ