ਰਾਈਓ ਰੇਤ ਵੰਡਾਲਾਂ ਗਾ ਨੀ

ਕੋਠੇ ਨਾਲ ਚੁਬਾਰਾ

ਭੌਂ ਦੇ ਵਿੱਚੋਂ ਅਡ ਵੰਡਾਵਾਂ

ਬਲਦ ਸਾਂਭ ਲਾਂ ਨਾਰਾ

ਰੋਹੀ ਵਾਲਾ ਜੰਡ ਵਢ ਕੇ-

ਤੈਨੂੰ ਕੱਲੀ ਨੂੰ ਪਾਊਂ ਚੁਬਾਰਾ

129

ਪੰਝੀ ਰੁਪਈਏ ਪੰਜ ਵਹਿੜਕੇ

ਪੰਜੇ ਨਿਕਲੇ ਹਾਲੀ

ਲਾਲ ਸਿਆਂ ਤੇਰੇ ਵਣਜਾਂ ਨੇ-

ਮੈਂ ਤਾਰੀ

130

ਗ਼ਮ ਨੇ ਖਾ ਲੀ ਗ਼ਮ ਨੇ ਪੀ ਲੀ

ਗ਼ਮ ਦੀ ਕਰੋ ਨਿਹਾਰੀ

ਗਮ ਹੱਡਾਂ ਨੂੰ ਐਂ ਖਾ ਜਾਂਦਾ

ਜਿਉਂ ਲੱਕੜੀ ਨੂੰ ਆਰੀ

ਕੋਠੇ ਚੜ੍ਹਕੇ ਦੇਖਣ ਲੱਗੀ

ਲੱਦੇ ਜਾਣ ਵਪਾਰੀ

ਉਤਰਨ ਲੱਗੀ ਦੇ ਲਗਿਆ ਕੰਡਾ

ਦੁਖ ਹੋ ਜਾਂਦੇ ਭਾਰੀ

ਗੱਭਣਾਂ ਤੀਵੀਆਂ ਨਚਣੋਂ ਰਹਿ ਗੀਆਂ

ਆਈ ਫੰਡਰਾਂ ਦੀ ਵਾਰੀ

ਅਲਕ ਵਹਿੜਕੇ ਚਲਣ ਰਹਿਗੇ

ਮੋਢੇ ਧਰੀ ਪੰਜਾਲੀ

ਤੈਂ ਮੈਂ ਮੋਹ ਲਿਆ ਨੀ-

ਢਾਂਡੇ ਚਾਰਦਾ ਪਾਲੀ

131

ਢਾਈਆਂ ਢਾਈਆਂ ਢਾਈਆਂ

ਬੇਈਮਾਨ ਮਾਪਿਆਂ ਨੇ

ਧੀਆਂ ਪੜ੍ਹਨ ਸਕੂਲੇ ਲਾਈਆਂ

ਅੱਠੀ ਦਿਨੀਂ ਲੈਣ ਛੁੱਟੀਆਂ

ਲੀੜੇ ਧੋਣ ਨਹਿਰ ਤੇ ਆਈਆਂ

ਦੁੱਧ ਘਿਓ ਦੇਣ ਮੱਝੀਆਂ