ਘਰ ਵਿੱਚ ਬਹਿਕੇ ਸੋਚਣ ਲੱਗਾ

ਕੀ ਲਿਆ ਅਸਾਂ ਨੇ ਲੜਕੇ

191

ਬੋਦੀ ਵਾਲਾ ਚੜ੍ਹਿਆ ਤਾਰਾ

ਘਰ-ਘਰ ਹੋਣ ਵਿਚਾਰਾਂ

ਕੁੱਛ ਤਾਂ ਲੁੱਟ ਲੀ ਪਿੰਡ ਦੇ ਪੈਂਚਾਂ

ਕੁਛ ਲੁੱਟ ਲੀ ਸਰਕਾਰਾਂ

ਗਹਿਣਾ ਗੱਟਾ ਘਰਦਿਆਂ ਲੁੱਟਿਆ

ਜੋਬਨ ਲੁੱਟਿਆ ਯਾਰਾਂ

ਭੇਡਾਂ ਚਾਰਦੀਆਂ-

ਬੇਕਦਰਾਂ ਦੀਆਂ ਨਾਰਾਂ

192

ਚੁੰਝ ਤੇਰੀ ਵੇ ਕਾਲਿਆ ਕਾਵਾਂ

ਸੋਨੇ ਨਾਲ ਮੜ੍ਹਾਵਾਂ

ਜਾ ਆਖੀ ਮੇਰੇ ਢੋਲ ਸਿਪਾਹੀ ਨੂੰ

ਨਿੱਤ ਮੈਂ ਔਂਸੀਆਂ ਪਾਵਾਂ

ਖ਼ਬਰਾਂ ਲਿਆ ਕਾਵਾਂ-

ਤੈਨੂੰ ਘਿਓ ਦੀ ਚੂਰੀ ਪਾਵਾਂ

193

ਕਾਵਾਂ ਕਾਵਾਂ ਕਾਵਾਂ

ਪਹਿਲਾਂ ਤੇਰਾ ਗਲ ਵਢ ਲਾਂ

ਫੇਰ ਵੇ ਵੱਢਾਂ ਪ੍ਰਛਾਵਾਂ

ਨਿੱਕਾ-ਨਿੱਕਾ ਕਰਾਂ ਕੁੱਤਰਾ

ਤੈਨੂੰ ਕਰਕੇ ਪਤੀਲੇ ਪਾਵਾਂ

ਉਤਲੇ ਚੁਬਾਰੇ ਲੈ ਚੜ੍ਹਦੀ

ਮੇਰੀ ਖਾਂਦੀ ਦੀ ਹਿੱਕ ਦੁਖਦੀ

ਮੈਂ ਚਿੱਠੀਆਂ ਵੈਦ ਨੂੰ ਪਾਵਾਂ

ਪੁੱਤ ਮੇਰੇ ਚਾਚੇ ਦਾ

ਜਿਹੜਾ ਫੇਰਦਾ ਪੱਟਾਂ ਤੇ ਝਾਵਾਂ

ਚੁਬਾਰੇ ਵਿੱਚ ਰੱਖ ਮੋਰੀਆਂ

ਕੱਚੀ ਲੱਸੀ ਦਾ ਗਲਾਸ ਫੜਾਵਾਂ

ਸੇਜ ਬਛਾ ਮਿੱਤਰਾ-