ਡੰਡੀਆਂ

ਤਾਵੇ ਤਾਵੇ ਤਾਵੇ

ਡੰਡੀਆਂ ਕਰਾ ਦੇ ਮਿੱਤਰਾ

ਜੀਹਦੇ ਵਿੱਚ ਦੀ ਮੁਲਕ ਲੰਘ ਜਾਵੇ

ਡੰਡੀਆਂ ਦਾ ਭਾਅ ਸੁਣ ਕੇ

ਮੁੰਡਾ ਚਿੱਤੜ ਝਾੜਦਾ ਜਾਵੇ

ਗਿਝੀ ਹੋਈ ਲੱਡੂਆਂ ਦੀ

ਰੰਨ ਦਾਲ ਫੁਲਕਾ ਨਾ ਖਾਵੇ

ਪਤਲੋਂ ਦੀ ਠੰਡੀ ਤੇ-

ਲੌਂਗ ਚਾਬੜਾਂ ਪਾਵੇ

217

ਬਾਲੇ

ਗੱਲ੍ਹਾਂ ਗੋਰੀਆਂ ਚਿਲਕਣੇ ਬਾਲੇ

ਬਚਨੋ ਬੈਲਣ ਦੇ

218

ਰਸ ਲੈਗੇ ਕੰਨਾਂ ਦੇ ਬਾਲੇ

ਝਾਕਾ ਲੰਗੀ ਨਥ ਮੱਛਲੀ

219

ਝਾਂਜਰ

ਢਾਈਆਂ ਢਾਈਆਂ ਢਾਈਆਂ

ਜੱਟਾਂ ਦੇ ਪੁੱਤ ਜੋਗੀ ਹੋਗੇ

ਸਿਰ ਪਰ ਜਟਾਂ ਰਖਾਈਆਂ

ਬਗਲੀ ਫੜਕੇ ਮੰਗਣ ਤੁਰ ਪੇ

ਖੈਰ ਨਾ ਪਾਉਂਦੀਆਂ ਮਾਈਆਂ

ਤੇਰੀ ਝਾਂਜਰ ਨੇ-

ਪਿੰਡ 'ਚ ਦੁਹਾਈਆਂ ਪਾਈਆਂ

220

ਲੌਂਗ

ਸੱਗੀ ਫੁੱਲ ਸਰਕਾਰੀ ਗਹਿਣਾ

ਤੀਲੀ ਲੱਗ ਕੰਜਰਾਂ ਦੇ

221

ਤੇਰੇ ਲੌਂਗ ਦਾ ਪਿਆ ਲਸ਼ਕਾਰਾ

ਹਾਲੀਆਂ ਨੇ ਹਲ ਡਕ ਲਏ