ਥਾਣੇਦਾਰ ਤੇ ਦਰੋਗਾ ਲੜਪੇ

ਮੂਹਰੇ-ਮੂਹਰੇ ਥਾਣਾ ਭੱਜਿਆ

ਮਗਰੇ ਦਰੋਗਾ ਖੜਕੇ

ਸ਼ੀਸ਼ਾ ਮਿੱਤਰਾਂ ਦਾ-

ਦੇਖ ਲੈ ਪੱਟਾਂ ਤੇ ਧਰਕੇ

272

ਆਰੀ ਆਰੀ ਆਰੀ

ਮੇਲਾ ਛਪਾਰ ਲਗਦਾ

ਜਿਹੜਾ ਲੱਗਦਾ ਜਰਗ ਤੋਂ ਭਾਰੀ

ਕਠ ਮੁਸ਼ਟੰਡਿਆਂ ਦੇ

ਓਥੇ ਬੋਤਲਾਂ ਮੰਗਾਲੀਆਂ ਚਾਲੀ

ਤਿੰਨ ਸੇਰ ਸੋਨਾ ਚੁੱਕਿਆ

ਭਾਨ ਲੁਟਲੀ ਹੱਟੀ ਦੀ ਸਾਰੀ

ਰਤਨ ਸਿੰਘ ਕੁਕੜਾਂ ਦਾ

ਜੀਹਦੇ ਚਲਦੇ ਮੁਕੱਦਮੇ ਭਾਰੀ

ਥਾਣੇਦਾਰਾ ਚੜ੍ਹ ਘੋੜੀ

ਤੇਰਾ ਯਾਰ ਕੁੱਟਿਆ ਪਟਵਾਰੀ

ਥਾਣੇਦਾਰ ਤਿੰਨ ਚੜ੍ਹਗੇ

ਨਾਲੇ ਪੁਲਸ ਚੜ੍ਹੀ ਸੀ ਸਾਰੀ

ਇਸੂ ਧੂਰੀ ਦਾ

ਜਿਹੜਾ ਡਾਂਗ ਬਹਾਦਰ ਭਾਰੀ

ਮੰਗੂ ਖੇੜੀ ਦਾ

ਜੀਹਨੇ ਪੁੱਠੇ ਹੱਥ ਦੀ ਗੰਡਾਸੀ ਮਾਰੀ

ਥਾਣੇਦਾਰ ਐਂ ਡਿੱਗਿਆ

ਜਿਵੇਂ ਹਲ ਤੋਂ ਡਿਗੇ ਪੰਜਾਲੀ

ਕਾਹਨੂੰ ਛੇੜੀ ਸੀ-

ਨਾਗਾਂ ਦੀ ਪਟਿਆਰੀ

273

ਧਾਵੇ ਧਾਵੇ ਧਾਵੇ

ਡੱਬਾ ਕੁੱਤਾ ਮਿੱਤਰਾਂ ਦਾ

ਥਾਣੇਦਾਰ ਦੀ ਕੁੜੀ ਨੂੰ ਚੱਕ ਲਿਆਵੇ

ਭੈਣ ਚੱਕੇ ਡਿਪਟੀ ਦੀ

ਜਿਹੜਾ ਲੰਬੀਆਂ ਤਰੀਕਾਂ ਪਾਵੇ