ਖੂਹ-ਹਰਟ

289

ਹਰਟ

ਕੰਨੇ ਨੂੰ ਕੰਨਾ ਸਾਹਮਣਾ

ਕਾਂਜਣ ਸਿੱਧੀ ਸ਼ਤੀਰ

ਕਾਂਜਣ ਵਿਚਲਾ ਮੱਕੜਾ

ਮੱਕੜੇ ਵਿਚਲਾ ਤੀਰ

ਲੱਠ ਘੁੰਮੇਟੇ ਪਾਉਂਦੀ

ਜਿਉਂ ਸਈਆਂ ਵਿੱਚ ਹੀਰ

ਬੂੜੀਏ ਨੂੰ ਬੂਝੀਆ ਮਿਲੇ

ਜਿਉਂ ਭੈਣਾਂ ਨੂੰ ਵੀਰ

ਕੁੱਤਾ ਟਿਕ-ਟਿਕ ਕਰ ਰਿਹਾ

ਮੰਦੀ ਲਿਖੀ ਤਕਦੀਰ

ਬਲਦਾਂ ਗਲੀਂ ਪੰਜਾਲੀਆਂ

ਜਿਉਂ ਸ਼ੇਰਾਂ ਗਲੀਂ ਜੰਜੀਰ

ਟਿੰਡਾਂ ਦੇ ਗਲ ਗਾਨੀਆਂ

ਲਿਆਣ ਪਤਾਏਂ ਨੀਰ

ਚਲ੍ਹੇ 'ਚ ਪਾਣੀ ਇਉਂ ਗਿਰੇ

ਜਿਉਂ ਗਿਰੇ ਕਮਾਨੋਂ ਤੀਰ

ਚਲ੍ਹੇ 'ਚ ਪਾਣੀ ਇਉਂ ਗਿਰੇ

ਜਿਊਂ ਬਾਹਮਣ ਥਾਲੀ ਖੀਰ

 ਆਡਾਂ 'ਚ ਪਾਣੀ ਇਉਂ ਤੁਰੇ

ਜਿਉਂ ਸੱਪ ਤੁਰੇ ਦਿਲਗੀਰ

ਨੱਕਿਆਂ ਨੇ ਪਾਣੀ ਵੰਡਿਆ

ਜਿਊਂ ਭਾਈਆਂ ਵੰਡੀ ਜਗੀਰ

ਨਾਕੀ ਵਿਚਾਰਾ ਇਉਂ ਫਿਰੇ

ਜਿਊਂ ਦਰ-ਦਰ ਫਿਰੇ ਫਕੀਰ

ਗਾਂਧੀ ਤਖ਼ਤ ਲਾਹੋਰ ਦੀ

ਜਿੱਥੇ ਆ-ਆ ਬਹਿਣ ਅਮੀਰ