ਇਕ ਦਿਨ ਵਿਛੜ ਜਾਵਣਾ

ਤੇਰੀ ਕਿਸੇ ਨਾ ਪੁੱਛਣੀ ਬਾਤ

299

ਉੱਠ ਉਹ ਜੱਟਾ ਸੁੱਤਿਆ

ਦਾਹੜੀ ਹੋਈ ਭੂਰ

ਅੱਗਾ ਨੇੜੇ ਆ ਗਿਆ

ਪਿੱਛਾ ਰਹਿ ਗਿਆ ਦੂਰ

300

ਆਟਾ ਮੇਰਾ ਬੁੜ੍ਹਕਿਆ

ਬੰਨੇ ਬੋਲਿਆ ਕਾਗ

ਤੜਕੇ ਚਿੜੀਆਂ ਜਾਗੀਆਂ

ਸੌਂ ਰਹੇ ਮੇਰੇ ਭਾਗ

301

ਫੁਲ ਖਿੜੇ ਕਚਨਾਰ ਦੇ

ਪੈਲਾਂ ਪਾਵਣ ਮੋਰ

ਚੰਨ ਚੁਫੇਰੇ ਭਾਲਦੇ

ਮੇਰੇ ਨੈਣ ਚਕੋਰ

302

ਕੜਕ ਨਾ ਜਾਂਦੀ ਕੁੱਪਿਓਂ

ਰਹਿੰਦੇ ਤੇਲ ਭਰੇ

ਕਿੱਕਰ ਜੰਡ ਕਰੀਰ ਨੂੰ

ਪਿਓਂਦ ਕੌਣ ਕਰੇ

303

ਔਖੀ ਰਮਜ਼ ਫਕੀਰੀ ਵਾਲੀ

ਚੜ੍ਹ ਸੂਲੀ ਤੇ ਬਹਿਣਾ

ਦਰ-ਦਰ ਤੇ ਟੁਕੜੇ ਮੰਗਣੇ

ਮਾਈਏਂ ਭੈਣੇ ਕਹਿਣਾ