ਦਿੱਲੀ ਕੋਟ ਸਵਾਰਿਆ

ਦਿੱਲੀ ਕੱਟ ਦੀਆਂ ਰੋਟੀਆਂ

ਜਿਊਣ ਸਾਧੂ ਦੀਆਂ

ਝੋਟੀਆਂ ਝੋਟੀਆਂ ਗੱਲ ਪੰਜਾਲੀ

ਜਿਊਣ ਸਾਧੂ ਦੇ ਹਾਲੀ

ਹਾਲੀਆਂ ਪੈਰੀਂ ਜੁੱਤੀ

ਜੀਵੇ ਸਾਧੂ ਦੀ ਕੁੱਤੀ

ਕੁੱਤੀ ਦੀ ਪਿੱਠ ਤੇ ਫੱੜਾ

ਜੀਵੇ ਸਾਧੂ ਦਾ ਘੋੜਾ

ਘੋੜੇ ਉੱਤੇ ਕਾਠੀ

ਜੀਵੇ ਸਾਧੂ ਦਾ ਹਾਥੀ

ਹਾਥੀ ਉੱਥੇ ਝਾਫੇ

ਜਿਉਣ ਸਾਧੂ ਦੇ ਮਾਪੇ

ਲੋਹੜੀ ਬਈ ਲੋਹੜੀ

ਦਿਓ ਗੁੜ ਦੀ ਰੋੜੀ

28

ਸੁੰਦਰ ਮੁੰਦਰੀਏ-ਹੋ

ਤੇਰਾ ਕੌਣ ਵਿਚਾਰਾ-ਹੋ

ਦੁੱਲਾ ਭੱਟੀ ਵਾਲਾ-ਹੋ

ਦੁੱਲੇ ਧੀ ਵਿਆਹੀ-ਹੋ

ਸ਼ੇਰ ਸ਼ੱਕਰ ਪਾਈ-ਹੋ

ਕੁੜੀ ਦੇ ਬੋਝੇ ਪਾਈ-ਹੋ

ਕੁੜੀ ਦਾ ਲਾਲ ਪਟਾਕਾ-ਹੋ

ਕੁੜੀ ਦਾ ਸਾਲੂ ਪਾਟਾ-ਹੈ

ਸਾਲੂ ਕੌਣ ਸਮੇਟੇ-ਹੋ

ਚਾਚਾ ਗਾਲੀ ਦੇਸੇ-ਹੋ

ਚਾਚੇ ਚੂਰੀ ਕੁੱਟੀ-ਹੋ

ਜ਼ੀਮੀਂਦਾਰਾਂ ਲੁੱਟੀ-ਹੋ

ਜ਼ੀਮੀਂਦਾਰ ਸਦਾਓ-ਹੋ

ਗਿਣ ਗਿਣ ਪੋਲੇ ਲਾਓ-ਹੋ

ਇੱਕ ਪੋਲਾ ਘਸ ਗਿਆ-ਹੋ

ਜ਼ੀਮੀਂਦਾਰ ਵਹੁਟੀ ਲੈ ਕੇ ਨੱਸ ਗਿਆ ਹੋ