ਆ ਵੀਰਾ ਤੂੰ ਜਾ ਵੀਰਾ

ਵੰਨੀ ਨੂੰ ਲਿਆ ਵੀਰਾ

ਵੰਨੀ ਤੇਰੀ ਹਰੀ ਭਰੀ

ਫੁੱਲਾਂ ਦੀ ਚੰਗੇਰ ਭਰੀ

ਇੱਕ ਫੁੱਲ ਡਿੱਗ ਪਿਆ

ਰਾਜੇ ਦੇ ਦਰਬਾਰ ਪਿਆ

ਰਾਜੇ ਬੇਟੀ ਸੁੱਤੀ ਸੀ

ਸੁੱਤੀ ਨੂੰ ਜਗਾ ਲਿਆ

ਰੱਤੇ ਡੋਲੇ ਪਾ ਲਿਆ

ਰੱਤਾ ਡੋਲਾ ਕਾਈ ਦਾ

ਸੱਤੋ ਵੀਰ ਵਿਆਹੀ ਦਾ

36

ਪਾ ਨੀ ਮਾਏਂ ਪਾ

ਕਾਲੇ ਕੁੱਤੇ ਨੂੰ ਵੀ ਪਾ

ਕਾਲਾ ਕੁੱਤਾ ਦਏ ਵਧਾਈ

ਤੇਰੀ ਜੀਵੇ ਮੱਝੀ ਗਾਈਂ

ਮੱਝੀ ਗਾਂਈ ਨੇ ਦਿੱਤਾ ਦੁੱਧ

ਤੇਰੇ ਜੀਵਣ ਸੱਤੇ ਪੁੱਤ

ਸੱਤਾਂ ਪੁੱਤਾਂ ਦੀ ਕੁੜਮਾਈ

ਸਾਨੂੰ ਸੋਰ ਸ਼ੱਕਰ ਪਾਈ

ਡੋਲੀ ਛਮ-ਛਮ ਕਰਦੀ ਆਈ

37

ਹੁੱਲੇ ਨੀ ਮਾਏ ਹੁੱਲੇ

ਦੋ ਬੇਰੀ ਪੱਤਰ ਝੁੱਲੇ

ਦੋ ਝੁੱਲ ਪਈਆਂ ਖਜੂਰਾਂ

ਖਜੂਰਾਂ ਸੁਟਿਆ ਮੇਵਾ

ਇਸ ਮੁੰਡੇ ਦਾ ਕਰੋ ਮੰਗੇਵਾ

ਮੁੰਡੇ ਦੀ ਵਹੁਟੀ ਨਿੱਕੜੀ

ਘਿਓ ਖਾਂਦੀ ਚੂਰੀ ਕੁੱਟਦੀ

ਵਹੁਟੀ ਬਹੇ ਨਨਾਣਾਂ ਨਾਲ

ਮੋਰ ਗੁੰਦਾਵੇ ਚੰਬੇ ਨਾਲ

ਲੋਹੜੀ ਬਈ ਲੋੜੀ