ਸੈਨਤ

ਸ਼ਹੁ ਗਲ ਲਗਣੇ ਦਾ ਸੁਖ ਜੋ

ਸਾਗਰ ਦੀ ਪੁੱਛ ਹਵਾ ਨੂੰ

ਤੇਰੇ ਗਲੇ ਉਹ ਲਗ ਲਗ

ਗਲ ਲਗਣੇ ਦਾ ਸੁਖ ਜੋ

ਸਹਜੇ ਸੁਝਾ ਦਏਗੀ। 1.

ਪੁਛ ਬਾਗ਼ ਦੀ ਲਪਟ ਨੂੰ

ਸ਼ਹੁ ਗਲ ਲਗਣੇ ਦਾ ਸੁਖ ਕੀ?

ਤੇਰੇ ਮਗ਼ਜ਼ ਲਿਪਟ ਕੇ

ਗਲ ਲਗਣੇ ਦਾ ਸੁਖ ਜੋ

ਆਪੇ ਸੁੰਘਾ ਦਏਗੀ।

ਗੋਰੀ ਨੂੰ ਪੁੱਛ ਵੇਖੀਂ

ਸ਼ਹੁ ਗਲ ਲਗਣੇ ਦਾ ਸੁਖ ਕੀ?

ਬੁਲ੍ਹਾਂ ਤੋਂ ਮੁਸਕ੍ਰਾ ਕੇ

ਨੈਣਾਂ ਤੋਂ ਦੇਇ ਮਟੱਕਾ

ਗਲ ਲੱਗਣੇ ਦਾ ਸੁਖ ਜੋ

ਤੈਨੂੰ ਜਣਾ ਦਏਗੀ। 3.

ਸਾਈਂ ਮਿਲਣ ਦਾ ਸੁਖ ਜੋ

ਰੰਗ ਰੱਤੜੇ ਨੂੰ ਪੁੱਛੀ?

ਅਥਰੂ ਕਿਰਨ ਦੋ ਨੈਣੋਂ,

ਮੱਥੇ ਤੇ ਦਮਕ ਆਕੇ

ਸਾਈਂ ਮਿਲਨ ਦਾ ਸੁਖ ਜੋ

ਸੈਨਤ ਲਖਾ ਦਏਗੀ। 4.  25.