ਨਵਾਂ ਸਾਲ ਮੈਂ ਤਾਂ ਕਹਾਂ

ਜੇਕਰ ਕਿਸੇ ਵਿਧਵਾ ਦਾ ਪਤੀ ਪਰਮੇਸ਼ਰ

ਓਸ ਦੇਸ਼ੋਂ ਇਸ ਦੇਸ਼ ਮੁੜ ਆਵੇ

ਉਹ ਚਿੱਟੀਆਂ ਚੁੰਨੀਆਂ ਰੰਗਵਾਉਣ

ਲਲਾਰੀ ਦੀ ਹੱਟੀ 'ਤੇ ਜਾਵੇ

ਮਨਚਾਹੇ ਰੰਗ ਰੰਗਵਾਵੇ

ਤੇ ਸੁੱਟ ਚਿੱਟੇ ਵਸਤਰ ਸਾਰੇ

ਦਰਜੀ ਕੋਲ ਜਾ ਮਨਚਾਹੀ

ਸੂਟ ਉੱਤੇ ਫੁੱਲ ਬੂਟੀ ਪਵਾਵੇ

ਉਹਦੀ ਬੇਰੰਗ ਜ਼ਿੰਦਗੀ ਵਿੱਚ

ਫਿਰ ਤੋਂ ਰੰਗ ਭਰ ਜਾਵੇ

ਈਕਣ ਹੋਵੇ ਤਾਂ ਨਵਾਂ ਸਾਲ ਹੀ ਨਹੀਂ

ਮੈਂ ਹਰ ਦਿਨ ਨਵਾਂ ਸਾਲ ਸਮਝ ਮਨਾਵਾਂ

 

ਨਵਾਂ ਸਾਲ ਮੈਂ ਤਾਂ ਕਹਾਂ

ਜੇਕਰ ਬਿਰਹਣ ਦਿਲ ਦੀ ਬੋਲਣ

ਕੋਲ ਆ ਕੇ ਕਹੇ ਕਿ ਮੈਂ ਤੇਰੀ ਹੀ ਹਾਂ

ਕੋਈ ਮੈਨੂੰ ਤੇਰੇ ਤੋਂ ਜੁਦਾ ਨਹੀਂ ਕਰ ਸਕਿਆ

ਮੁੜ ਚਾਵਾਂ ਦਾ ਅੱਖ ਦੀ ਕੁੱਖੋਂ ਜਨਮ ਹੋਵੇ

ਤੇ ਮੁੜ ਰੰਗੀਨ ਤੇ ਪਾਕ ਸਾਫ਼ ਖਿਆਲ

ਬੰਦ ਦਿਮਾਗ ਦਾ ਦਰਵਾਜ਼ਾ ਖੜਕਾਉਣ

ਤੇ ਹਰ ਦਿਨ ਹੱਸਦਾ ਉੱਠਾਂ ਹੱਸਦਾ ਸੌਵਾਂ

ਈਕਣ ਹੋਵੇ ਤਾਂ ਨਵਾਂ ਸਾਲ ਹੀ ਨਹੀਂ

ਮੈਂ ਹਰ ਦਿਨ ਨਵਾਂ ਸਾਲ ਸਮਝ ਮਨਾਵਾਂ

 

ਨਵਾਂ ਸਾਲ ਮੈਂ ਤਾਂ ਕਹਾ

ਜੇਕਰ ਬਿਰਹਣ ਦਿਲ ਦੀ ਬੇਲਣ

ਕੋਲ ਆ ਕੇ ਕਹੇ ਕਿ ਮੈਂ ਤੇਰੀ ਹੀ ਹਾਂ

ਕੋਈ ਮੈਨੂੰ ਤੇਰੇ ਤੋਂ ਜੁਦਾ ਨਹੀਂ ਕਰ ਸਕਿਆ