ਕਿੱਥੇ ਆ
ਆਖੇ ਰਾਤ ਨੂੰ ਦੱਸ ਤੂੰ ਸੌਂਦਾ ਕਿੱਥੇ ਆ?
ਮੈਹਾ ਰਾਤ ਨੂੰ ਦੱਸ ਮੈਂ ਸੌਂਦਾ ਹੀ ਕਿੱਥੇ ਆ?
ਅੱਖਾਂ ਵਹੋਣ ਤੋਂ ਵਿਹਲ ਨਈਂ ਤੈਨੂੰ
ਇੱਦਾਂ ਨਾ ਕਹਿ! ਤੇਰੇ ਮੂਹਰੇ ਰੋਂਦਾ ਕਿੱਥੇ ਆ?
ਜਿਸ ਦੇ ਨਾਮ ਅੱਗੇ ਜ਼ਿੰਦਗੀ ਲਿਖਿਆ
ਉਹ ਮੇਰੇ ਨਾਮ ਨਾਲ ਦਿਲ ਵੈਂਦਾ ਕਿੱਥੇ ਆ?
ਜਿਸ ਦੀ ਯਾਦ 'ਚ ਅੱਖ ਦੀ ਨੀਂਦ ਗੁੰਮੀ
ਉਹਨੂੰ ਚੇਤਾ ਸਾਡਾ ਸਤਾਉਂਦਾ ਕਿੱਥੇ ਆ?
ਮੈਂ ਅਨਪੜ੍ਹ ਨੇ ਸਿੱਖਣੀ ਬੋਲੀ ਉਹਦੀ
ਦੱਸਿਓ ਜ਼ਰਾ ਉਹ ਪੜ੍ਹਾਉਂਦਾ ਕਿੱਥੇ ਆ?
ਜਿਦੇ ਮੁੜਨ ਦੀ ਆਸ 'ਚ ਕਬਰ ਹੋਇਓ
ਉਹ ਕਬਰ ਮੇਰੀ 'ਤੇ ਆਉਂਦਾ ਕਿੱਥੇ ਆ?
ਇਸ਼ਕ ਦਾ ਜ਼ਖ਼ਮ ਛਿੱਲ ਗਏ ਨੇ ਜੋ
ਦੱਸਿਓ ਮਲ੍ਹਮਾਂ ਉਹ ਲਾਉਂਦਾ ਕਿੱਥੇ ਆ?
ਪਾਣੀ ਬਣਕੇ ਪੋਟਾ-ਪੋਟਾ ਨੁੱਚੜਿਆ
ਉਹਦੀ ਅੱਖ 'ਚੋਂ ਹੰਝੂ ਚੋਂਦਾ ਕਿੱਥੇ ਆ?
