ਖੁਸ਼ੀ ਘਰ ਆਈ
ਮੁੱਦਤਾਂ ਬਾਅਦ ਖੁਸ਼ੀ ਘਰ ਆਈ
ਨਾ ਕੋਈ ਫੋਨ ਨਾ ਚਿੱਠੀ ਪਾਈ
'ਜੀ ਆਇਆਂ' ਕਹਿਕੇ ਅੰਦਰ ਲੰਘਾਈ
ਬੁੱਲ੍ਹਾ ਦੇ ਆਸਨ ਉੱਤੇ ਬਿਠਾਈ
ਦਿਲ ਵੀ ਖਿੜਿਆ ਚਾਈਂ ਚਾਈਂ
ਅਸਾਂ ਫੇ ਸਹਿਮੇ-ਸਹਿਮੇ ਪੁੱਛਿਆ
ਤੂੰ ਭੁੱਲ ਭੁਲੇਖੇ ਤਾਂ ਨੀ ਆਈ?
ਕਹਿੰਦੀ ਗੁਆਂਢੀਆਂ ਸੀ ਬੁਲਾਇਆ
ਜਾਂਦੀ ਨੇ ਕੁੰਡਾ ਤੇਰਾ ਖੜਕਾਇਆ
ਅਸਾਂ ਨੇ ਠੰਡਾ ਠੰਡਾ ਪਿਆਇਆ
ਆਖੇ ਸੁਆਦ ਜਿਹਾ ਨੀ ਆਇਆ
ਫਿਰ ਹੰਝੂਆਂ ਦਾ ਰਸ ਪਿਲਾਇਆ
ਮੈਨੂੰ ਕਹਿੰਦੀ ਮੇਰੇ ਪਿੱਛੋਂ
ਘਰ ਗਮ ਕਿਹੜਾ ਕਿਹੜਾ ਆਇਆ?
ਵੇਖੇ ਸੱਜੇ ਤੇ ਕਦੀ ਖੱਬੇ
ਅੱਖਾਂ ਥੱਲੇ ਕਾਲੇ ਧੱਬੇ
ਦਿਲ ਵਿੱਚ ਕਿੰਨੇ ਈ ਦੁੱਖ ਸੀ ਦੱਬੇ
ਪੁੱਛੇ ਹੋਇਆ ਕੀ ਵੇ ਕੰਵਲਾ
