ਕੁੱਝ ਗੱਲਾਂ
ਸਾਰੀ ਜ਼ਿੰਦਗੀ ਮੇਰੇ ਨਾਲ ਖੜ੍ਹਨ ਦੀ ਗੱਲ ਨਾ ਕਰ
ਕਦੇ ਕਿਨਾਰਿਆਂ ਨਾਲ ਵੀ ਸਾਗਰ ਆ ਖਲੋਤੇ ਨੇ?
ਨਾ ਕਰ ਗੱਲਾਂ ਮੈਨੂੰ ਇਕਸਾਰ ਤੱਕਣ ਦੀਆਂ,
ਜੀਕਣ ਜ਼ਮੀਨ ਵੇਖਦੀ ਅੰਬਰ ਨੂੰ,
ਈਕਣ ਤੇਰੇ ਕੋਲੋਂ ਸਾਰੀ ਉਮਰ ਤੱਕਿਆ ਨੀ ਜਾਣਾ!
ਆਖਦੈਂ ਕਿ ਸਾਰੀ ਜ਼ਿੰਦਗੀ ਖਿਆਲ ਰੱਖੇਗਾ,
ਕਦੇ ਲਹਿਰਾਂ ਨੇ ਕਿਨਾਰਿਆਂ ਦੇ ਹਾਲ ਪੁੱਛੇ ਨੇ?
ਤੇਰੇ ਕੋਲੋਂ ਸੀਨੇ ਦਾ ਸੇਕ ਵੀ ਦਿੱਤਾ ਨਹੀਂ ਜਾਣਾ,
ਕਦੇ ਟਾਹਣੀਆਂ ਨੇ ਟੁੱਟੇ ਫੁੱਲ ਅਪਣਾਏ ਨੇ?
ਨਹੀਂ ਰੱਖਿਆ ਜਾਣਾ ਤੇਰੇ ਕੋਲ ਮੇਰਾ ਦਿਲ,
ਕਦੇ ਹੱਟੀ ਵਾਲਿਆਂ ਪੁਰਾਣੇ ਸਮਾਨ ਬਚਾਏ ਨੇ?
